Wanafunzi 96,018 wachaguliwa kidato cha tano

Wanafunzi 96,018 wachaguliwa kidato cha tano

WANAFUNZI 96,018 sawa na asilimia 27.60 ya waliofanya mtihani wa Kidato cha Nne mwaka jana, na kupata ufaulu wa daraja la kwanza hadi la tatu, wamechaguliwa kujiunga na masomo ya Kidato cha Tano na vyuo vya ufundi vya serikali kuanzia mwezi ujao.
Aidha, ufaulu katika mwaka 2016 uliongezeka kwa asilimia 3.15 ikilinganishwa na ufaulu wa mwaka 2015. Kwa mujibu wa Waziri wa Nchi, Ofisi ya Rais, Tawala za Mikoa na Serikali za Mitaa (Tamisemi), George Simbachawene, asilimia 27.60 imevuka lengo lililowekwa na Ilani ya Uchaguzi ya CCM inayoielekeza serikali kuhakikisha asilimia 20 ya wanafunzi wa elimumsingi wanachaguliwa kujiunga na Kidato cha Tano.
Akitangaza uchaguzi na upangaji wa wanafunzi hao wa kujiunga na Kidato cha Tano jana ofisini kwake mjini hapa, Simbachawene alisema jumla ya watahiniwa wa shule 349,524 wakiwamo wasichana 178,775 (51.1%) na wavulana 170,749 (48.9%) walifanya mtihani wa kumaliza Kidato cha Nne mwaka 2016.
“Watahiniwa wa kujitegemea waliofanya mtihani huo mwaka 2016 walikuwa 47,751 wakiwemo wasichana 24,587 sawa na asilimia 51.5 na wavulana 23,164 sawa na asilimia 48.5,” alieleza Simbachawene.
Alisema wanafunzi waliochaguliwa kujiunga na Kidato cha Tano mwaka 2017 wanatoka kwenye shule za serikali na zisizo za serikali, na shule 351 zikiwamo shule 17 mpya zimepangiwa wanafunzi hao 96,018.
“Kati ya wanafunzi 96,018 ni wa wanafunzi 93,019 ndio wenye sifa za kuchaguliwa kujiunga na Kidato cha Tano na Vyuo Vya Ufundi kwa kuwa wamefaulu vigezo vyote vya msingi kama vilivyoanishwa,” alifafanua.
Aliongeza kuwa kati ya hao, wanafunzi 92,998 ni wa shule na wanafunzi 21 walisoma chini ya Taasisi ya Elimu ya Watu Wazima (TEWW). Alivitaja vigezo vilivyotolewa na Wizara ya Elimu, Sayansi na Teknolojia vilivyotumika kuchagua na kupanga wanafunzi wa Kidato cha Tano kuwa ni AAA hadi CCD kama cut off point kwenye masomo ya tahasusi, alama tatu (credit) na pointi zisizopungua 25 kwenye Daraja, machaguo yaliyojazwa na mwanafunzi kwenye fomu maalumu na nafasi zilizopo katika shule husika.
“Napenda kusisitiza kwamba vigezo hivi ndivyo vinavyotumika kwa mwanafunzi kujiunga na Kidato cha Tano na Vyuo Vya Ufundi kwa mwaka huu. Nia ni kuinua kiwango cha elimu na ujuzi kwa elimu ya juu nchini,” alifafanua Simbachawene.
Kuhusu tarehe ya kuripoti shuleni, alisema muhula wa kwanza kwa wanafunzi wa Kidato cha Tano mwaka 2017, utaanza Julai 17, mwaka huu, lakini kwa wanafunzi wanaoingia Kidato cha Sita watafungua shule Julai 3.
“Kwa kuwa upangaji wa wanafunzi wanaoingia Kiato cha Tano kwa mwaka 2017 umezingatia machaguo ya wanafunzi wenyewe na nafasi zilizopo katika shule husika, hakutakuwa na fursa ya kufanya mabadiliko yoyote ya shule,” alieleza Waziri wa Tamisemi.
Aliwaagiza wanafunzi wote kuripoti katika shule walizopangiwa kwa wakati, na endapo mwanafunzi atachelewa kuripoti kwa zaidi ya siku 14 kuanzia tarehe ya kufungua shule, nafasi yake itachukuliwa na wanafunzi wengine.
Aidha, aliwaelekeza wakuu wa mikoa na wakuu wa wilaya, kuhakikisha kuwa shule zililizopelekewa fedha za kuongeza miundombinu ya Kidato cha Tano kupitia Mpango wa Elimu Lipa kulingana na Matokeo (EP4R) zinakamilisha ujenzi kabla ya Juni 30, 2017, na kuwapokea wanafunzi wa Kidato cha Tano.
“Napenda kuwapongeza walimu wote kwa juhudi walizozifanya katika ufundishaji na kuwezesha wanafunzi kufaulu vizuri. Hii imetokana na ushirikiano wa walimu, wazazi na walezi katika kuwapatia wanafunzi hao malezi bora,” aliongeza waziri.
Aliwapongeza wanafunzi waliochaguliwa, akiwahimiza kuendelea kuongeza bidii katika kujifunza ili wafanikiwe kujiunga na mafunzo ya elimu ya juu baada ya kuhitimu Kidato cha Sita.
Aidha, aliwashukuru wadau wa elimu kwa maana ya viongozi na watendaji wa mikoa, wilaya na halmashauri pamoja na wananchi kwa ujumla kwa kushiriki kikamilifu kuimarisha miundombinu ya shule, ikiwemo maabara na majengo mengine muhimu, yaliyowezesha shule kupokea wanafunzi wa Kidato cha Tano kwa mara ya kwanza.

Msanii ‘Roma Mkatoliki' na wenzake wapatikana

MSANII wa muziki wa hip hop, Ibrahim Mussa, ‘Roma Mkatoliki’ na wenzake watatu wamepatikana wakiwa wazima wa afya huku bado kukiwa na maswali mengi yanayohitaji majibu juu ya kutoweka kwao kwa takriban siku tatu.
Msanii huyo akiwa na wenzake, Monii Central Zone, Bin Laden pamoja na Imma ambaye ni msaidizi wa kazi katika studio za Tongwe Records walitekwa na watu wasiojulikana na kushikiliwa kwa siku tatu bila ya taarifa zozote.
Hali hiyo iliibua taharuki kwa wasanii na familia zao na hasa mke wa Roma aitwae Nancy ambae amekuwa akizunguka kwenye vituo kadhaa vya Polisi kumsaka mumewe. Jana taarifa za kuonekana kwa msanii huyo akiwa na wenzake hao zilipatikana takriban saa nane mchana ambapo walishikiliwa kwa zaidi ya saa tano katika kituo cha Polisi Oysterbay.
Gazeti hili lilitumia zaidi ya saa sita kumngoja msanii huyo na wenzake kwa lengo la kujua ni nini kiliwakuta lakini hata hivyo hawakupata nafasi ya kuzungumza nao kituoni hapo.
Saa moja usiku aliwasili wakili wao Peter Kibatala ambae aliingia moja kwa moja kituoni humo kuzungumza na wasanii hao. Baada ya takribani dakika 10 walitolewa wasanii hao bila ya kuonana na waandishi wa habari na wakapelekwa moja kwa moja katika Hospitali ya Mwananyamala kufanyiwa vipimo.
Licha ya vyombo mbalimbali vya habari ‘kupiga kambi’ kituoni hapo tangu mchana lakini Polisi walishindwa kuzungumzia hilo.

UEFA LEO USIKU PSG VS BARCELONA HUKU BENIFICA VS DORTMUND


 UEFA LEO USIKU PSG VS BARCELONA HUKU BENIFICA VS DORTMUND


Michezo miwili ya michuano ya kombe la klabu bingwa ulaya katika hatua ya kumi na sita bora itachezwa leo nchini Ureno na Ufaransa.
Huko nchini Ureno Benfica watakua wenyeji wa Borussia Dortmund kutoka nchini ujerumani mchezo utakaochezwa katika uwanja wa Sport Lisboa e Benfica, na mwamuzi wa mchezo huo ni Nicola Rizzoli raia wa Italia.
Mchezo wa pili utawakutanisha Paris Saint Germain ya Ufaransa watakaokipiga na miamba wa Hispania Barcelona mchezo ukichezwa katika dimba la Parc des Princes Jijini Paris.

Champions League - Round of 16 February 14
22:45 Benfica vs Borussia Dortmund
22:45 Paris Saint Germain vs Barcelona

Jumatano zitachezwa mechi nyingine mbili Bayern Munich watachuana Arsenal na Real Madrid watatunishina misuli na Napoli ya Italia.
Mechi nyingine nne za michuano hii ya ulaya zitachezwa wiki ijayo
Madawa ya kulevya

Madawa ya kulevya

MADAWA YA KULEVYA HAYAKUBALIKI VYUONI

Madawa ya kulevya ni kilevya chochote kinachoweza kufifisha uwezo wa kufikiri, uwezo wa kupambanua na kuona mambo, uwezo wa mwili kujikinga na maradhi na mengineo...ni hatari sana kwa mustakabali wa maisha yako, usitumie!
Kwa hapa kwetu Tanzania kuna madawa ya kulevya tuliyozoea kuyaskia kama vile..

1. *Bange na Gundi*
2. *Shisha na ugoro*
3. *Mirungi/Miraa*
4. *Heroine na Cocaine*
Na mengineyo mengi ambayo hutumiwa kwa kuvuta au kujidunga sindano mwilini. Duniani kote matumizi ya dawa za kulevya kwa namna yeyote ile hayakubaliki na serikali za dunia( Ikiwepo ya Tanzania),  taasisi za kidini na za kiraia na vyombo mbalimbali zimekuwa zikipiga kelele usiku na mchana kukataza matumizi ya dawa za kulevya kwani madhara yake huathiri mtu mmoja na kisha jamii nzima kwani tunaishi kwa kutegemeana duniani!

Katika vyuo vikuu wanafunzi pia wamekuwa miongoni mwa watumiaji na wasambazaji wa dawa za kulevya ili hali jamii inawategemea wao kutumia elimu yao na usomi wao kukomboa jamii zetu na kuleta ustawi bora haswa kwa nchi za dunia ya tatu ikiwemo Tanzania. Sasa kama wasomi wa elimu ya juu tunatumika kuuza/kusambaza na matumizi ya  dawa za kulevya, nani atasimama kulikomboa taifa letu na jamii zetu kutoka katika dimbwi la umaskini??

Tumeshuhudia kaka zetu, dada zetu, rafiki zetu, wanafunzi wenzetu wengi wakishindwa kuendelea na masomo yao vyuoni kutokana na matumizi ya dawa za kulevya simply kwa

1.Kukosa uelewa sahihi wa madhara yatokanayo na madawa haya

2. Kuishi kwa kufuata mkumbo, ulimbukeni wa mambo na kutamani vitu vya thamani na anasa au maisha fulani ilihali hauna uwezo nayo

3. Shinikizo la marafiki wanaokuzunguka.

4.Ulaghai wa kifedha toka kwa wafanya biashara hii na mengineyo mengi yanayowasukuma wanafunzi wa elimu ya juu kujihusisha katika biashara hii haramu na matumizi ya madawa haya dhalimu kwa taifa letu, kwa jamii yetu na kwa dunia hii tuliopewa na Mwenyenzi Mungu.

*Chonde! *Chonde* *Chonde* ewe ndugu yangu msomi wa elimu ya juu; matumizi ya dawa za kulevya hayakubaliki na yana madhara makubwa kama haya
1. *Huathiri mfumo wa ubongo kufikiri na udumaza akili*

2. *Huathiri mfumo wa chakula/digestion system na hupunguza na kuondoa hamu ya kula(mfano mirungi)*

3. *Huathiri mfumo wa uzazi / reproduction system(rejea mateja na watumia wa dawa za kulevya hupoteza hamu ya tendo la ndoa na kuzaa)*

4. *Husababisha magonjwa mfano. Tuberculosis (TB), magonjwa ya ngozi na mengineo mengi*

5. *Huathiri mwanadamu kisaikolojia na kimwili ( psychological and physiological problems) rejea mateja na watumiaji wa dawa za kulevya ona miili yao na uwezo wao wa kisaikolojia*

6. *Huathiri jamii kiuchumi, kijamii na namna zote kwani ukishakuwa teja au mtumiaji wa dawa hizi basi unaumiza wazazi,  ndugu na hata wategemezi wako*

6. *Hurudisha maendeleo ya taifa na jamii nyuma kiuchumi, kisiasa na kijamii na taifa laweza kuishia kuwa na raia mazezeta na wagonjwa hivyo litabaki kuwa maskini milele maana hakuna nguvu kazi ya kuzalisha na kulipa kodi kwa maendeleo yetu*

*WITO*
Kwanza waraka huu uwafikie wanafunzi wote wa elimu ya juu na wasomi ukianzia katika chuo kikuu cha Dar es Salaam (kama chuo mama na chuo cha taifa hili) na uwaendee wasomi wa elimu ya juu popote walipo Tanzania na Africa kwamba biashara na matumizi ya dawa za kulevya HAYAKUBALIKI NA TUYAPIGIE KELELE bila kujali changamoto zitazotukabili kama wasomi na watu ambao taifa linatutegemea

Pili, nitoe rai yangu kwa viongozi wa kitaifa, viongozi wa kidini na asasi za kiraia na kila RAIA mwenye akili timamu kwa nafasi yake aunge mkono kampeni/vita hii ya kupinga biashara na matumizi ya dawa za kulevya ili tuweze kulinusuru taifa letu sasa na vizazi vijazo kutoka katika madhara yatokanayo na matumizi ya madawa ya kulevya

Tatu, elimu itolewe kwa njia zote kwenye TV programs, radio, social media, makongamano na warsha na popote penye mikusanyiko ya watu mfano miskitini, makanisani ama iitishwe mijadala kutoa elimu kwa RAIA juu ya madhara makubwa yatokanayo na matumizi ya dawa hizi dhalimu kwa taifa letu na watoto wetu

NNE, wito kwa wanafunzi wenzangu wa elimu ya juu nikianzia na chuoni kwangu Udsm, tusikubali kuwa punda na kutumika vibaya kuwezesha biashara hii haramu ndani ya chuo chetu kwani wanaoathirika ni ndugu zetu, rafiki zetu na hata wasaka madesa wenzetu na wakishatumbukia na kuumia na madawa haya basi inakuwa ndio mwisho wa safari yao kupata elimu kwani hupoteza reasoning ability, performance hushuka na hupelekea Ku disco na kuondolewa chuoni( as a result psychological problems zinaanzia hapo na hatimae tunapoteza watu muhimu kwa taifa hili).

Tano, kumbuka ulipotoka, nini kimekuleta chuo na namna ambavyo wazazi wako wamejinyima na kukulipia ada hadi leo umefika chuo kikuu kisha urudi nyumbani ukiwa teja? Ukiwa zezeta? Ukiwa na GPA dhaifu? Upate discontinuation kwa madawa ya kulevya? Kumbuka ulikuja Mwenyewe usiruhusu marafiki wenye tabia mbaya wakaathiri tabia yako in negative way, simamia msimamo yako na ushike sana dini na uwe na ndoto kubwa za kupata first class GPA, epuka mabashi yasiyokuwa ya lazima sana na epuka ushiriki wako kwa namna yeyote katika biashara na matumizi ya dawa za kulevya kwani sheria na team ya Makonda watakukamata tu

*Mwisho*
*Tuungane na Rais wetu Mh.Dr JPM, Tuungane na mkuu wetu wa mkoa Dar  Mh.Makonda na viongozi wote wa kitaifa kusema
HAPANA KWA BIASHARA NA MATUMIZI YA DAWA ZA KULEVYA* hatimae tutaweza kuinusuru nchi yetu na janga hili la madawa ya Kulevya


Imeandaliwa na
*Tony Mafie*
*Udsm Student*

Angalia matokeo ya form four 2016/2017


kuangalia matokeo ya formform four 2016/2017

Angalia Matokeo hapa 

MATOKEO YA KIDATO CHA NNE 2016 - FORM FOUR (CSEE) EXAM RESULTS 2016  - NECTA - Link 1

 

MATOKEO YA KIDATO CHA NNE 2016 - FORM FOUR (CSEE) EXAM RESULTS 2016  - NECTA - Link 2

 

MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2015

                                                         OR

MATOKEO YA KIDATO CHA NNE 2015 - FORM FOUR (CSEE) EXAM RESULTS 2015  - NECTA 


MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2014

                                                           OR

MATOKEO YA KIDATO CHA NNE 2014 - FORM FOUR (CSEE) EXAM RESULTS 2014 - NECTA


MATOKEO YA KIDATO CHA NNE - FORM FOUR (CSEE) EXAM RESULTS  - NECTA -MWAKA - 2013

                                                          OR                                    

MATOKEO YA KIDATO CHA NNE 2013 - FORM FOUR (CSEE) EXAM RESULTS 2013  - NECTA


MATOKEO YA KIDATO CHA NNE 2012 - FORM FOUR (CSEE) EXAM RESULTS 2012  - NECTA

                                                          OR

MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2012


Bofia Hapa: MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2011

                                                           OR

Bofia Hapa: MATOKEO YA KIDATO CHA NNE 2011 - FORM FOUR (CSEE) EXAM RESULTS 2011  - NECTA


Bofia Hapa: MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2010

                                                           OR

Bofia Hapa: MATOKEO YA KIDATO CHA NNE 2010 - FORM FOUR (CSEE) EXAM RESULTS 2010  - NECTA


Bofia Hapa: MATOKEO YA KIDATO CHA NNE - FORM FOUR (CSEE) EXAM RESULTS  - NECTA - MWAKA - 2009

                                                           OR

Bofia Hapa: MATOKEO YA KIDATO CHA NNE 2009 - FORM FOUR (CSEE) EXAM RESULTS 2009  - NECTA

 

Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS  - NECTA - MWAKA - 2008


Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS - NECTA - MWAKA - 2007


Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS  - NECTA - MWAKA - 2006

 

Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS  - NECTA - MWAKA - 2005

 

Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS  - NECTA - MWAKA - 2004



Bofia Hapa: MATOKEO YA KIDATO CHA NNE/ FORM FOUR (CSEE) EXAM RESULTS  - NECTA - MWAKA - 2003

 

Orodha ya vyuo 26 vilivyofutiwa usajili na NACTE leo

Baraza la Taifa la Elimu ya Ufundi (NACTE) limevifungia vyuo vya ufundi 26 kutokana na makosa mbalimbali, ikiwamo kushindwa kuzingatia masharti yaliyowekwa katika cheti cha usajili wa vyuo hivyo, huku likisimamsisha utoaji wa programu zilizokuwa zikitolewa katika vyuo 20 ambazo hazijasajiliwa.

Akizungumza na waandishi wa habari Dar es Salaam, Kaimu Katibu mtendaji wa NACTE, Dkt. Adolf Rutayuga, alisema kuwa wamekuwa wakifuatilia vyuo vya ufundi ili kutathmini kama vinafuata viwango vya ubora wa kitaaluma vilivyowekwa na NACTE katika kutoa mafunzo.
 
Katibu huyo amesema kuwa baada ya kufanya uchunguzi huo, wamebaini vyuo 26 vilishindwa kuzingatia masharti yaliyowekwa na NACTE katika cheti cha usajili, huku vyuo 20 vikitoa mafunzo ambayo hayajathibitishwa chini ya idara isiyotambulika,wakati vyuo viwili vikiwa na vituo vya satellite/Kampasi ambavyo navyo havijathibitishwa na chombo husika.
NACTE ni bodi iliyoanzishwa kisheria chini ya Sheria ya Baraza la Taifa la Elimu ya Ufundi, kifungu cha 129, kusimamia na kuratibu utoaji wa elimu ya ufundi na mafunzo nchini Tanzania.  Chini ya sheria hiyo, ili kufikia na kudumisha hali ya mtoa mafunzo, vyuo vyote vinatakiwa viwe vimesajiliwa, vibali na kuwa mitaala iliyopitishwa na baraza. Vyuo haviruhusiwi kuanza kutoa kuanza kutoa huduma yoyote ya mafunzo bila idhini ya baraza.
 
Hapa chini ni mgwanyo wa vyuo katika makundi matatu na hatua zilizochokuliwa dhidi ya kila kundi
 
Jedwali 1: Vyuo vya Ufundi vilivyofutiwa usajili
S/N CHUO
1 Institute of Management and Development Studies – Iringa
2 Green Hill Institute – Mbeya
3 Institute of Business and Social Studies – Mbeya
4 Loyal College of Africa – Mbeya
5 Mbeya Training College – Mbeya
6 Mbengwenya College of Business and Information Technology –Mbinga
7 New Focus College – Mbeya
8 Shukrani International College of Business and Administration –  Mbeya
9 Majority Teachers College – Mbeya
10 Rukwa College of Health Sciences – Sumbawanga
11 MAM Institute of Education – Mbeya
12 Belvedere Business and Technology College – Mwanza
13 Geita Medical Laboratory Sciences and Nursing Training College – Geita
14 Global Community College – Geita
15 Muleba Academy Institute – Muleba
16 St. Bernard Health Training Institute – Katoro, Geita
17 Victoria Institute of Tourism and Hotel Management – Mwanza
18 Gisan Institute of Health Sciences – Mwanza
19 Dar es Salaam Institute of Business Management – Dar es Salaam
20 SAMFELIS College of Business Studies – Dar es Salaam
21 Ellys Institute of Technology – Bunda, Mara
22 Tanzania Institute of Chartered Secretaries and Administrators – Arusha
23 Emmanuel Community College – Kibaha
24 Modern Commercial Institute – Dar es Salaam
25 Marian College of Law – Dar es Salaam
Jedwali 2: Vyuo vya Ufundi vinavyotoa mafunzo ambayo hayajathibitishwa
S/N CHUO MAFUNZO
1 MISO Teachers College – Mafinga Competence Building Network (CBN) – a Certificate in Early Childhood Education
2 Tusaale Teachers College – Mafinga Competence Building Network (CBN) – a Certificate in Early Childhood Education
3 The St. Joseph’s College Institute of Business and Management (SJCIBM) – Morogoro
4 The Golden Training Institute – Dar es Salaam





5 Nkrumah Mkoka Teachers College – Kongwa, Dodoma
6 National Institute of Agriculture (Chuo cha Kilimo cha Taifa) – Arusha
7 Musoma Utalii Training College – Musoma
8 Mwanza Polytechnic Institute – Mwanza
9 Mwanza Polytechnic Institute – Maswa
10 Ruter Institute of Financial Management – Mwanza
11 Dar es Salaam Institute of Journalism and Mass Communication – Mwanza
12 Dar es Salaam Institute of Journalism and Mass Communication – Geita
13 Dar es Salaam Institute of Journalism and Mass Communication – Bukoba
14 Singni International Training Institute – Bukoba
15 Dar es Salaam Institute of Journalism and Mass Communication – Kahama
16 Dar es Salaam Institute of Journalism and Mass Communication – Simiyu
17 Richrise Teachers College – Geita
18 Twiga Training Institute – Musoma
19 Zoom Polytechnic Institute – Bukoba
20 St. Thomas Training College – Shinyanga
Jedwali 3: Vyuo vya Ufundi vyenye Vituo vya Satellite / Kampasi
S/N CHUO
1 MISO Teachers College – Mafinga
2 Rungemba Teachers College – Mafinga
Hotuba ya Zitto Kabwe ...msiba wa M.MH S sitta

Hotuba ya Zitto Kabwe ...msiba wa M.MH S sitta

Tangulia Spika wa watu, Tangulia Spika Bunge la Wananchi

Hotuba ya ndugu Kabwe Z. Ruyagwa Zitto katika Kikao Maalumu cha Bunge cha Mazishi ya Spika Mstaafu, Samwel John Sitta

Ndugu Spika,
Ndugu Wabunge,
Mama Magreth Sitta,
Watoto wote wa Mzee Samwel John Sitta, Ndugu, Jamaa na Marafiki,
Ndugu zangu Watanzania,

Leo kikao maalumu cha Bunge la Jamhuri ya Muungano wa Tanzania, katika Mkutano wake wa Tano kinamuaga mtoto wa Mzee John Sitta na Hajjat Zuwena Said Fundikira. Nami nimepewa nafasi niseme maneno machache juu ya muagwa wetu huyu.

John Samwel Sitta anayo mengi, lakini Tanzania itamkumbuka kama mtu aliyejaribu kuboresha kila alichokabidhiwa kama jukumu, shujaa wa wote wanaoamini katika Uwajibikaji wa kitaasisi, Mwanasiasa aliyepanda na kushuka na kisha kupanda na kubakia kileleni, taswira ya mkoa wake wa Tabora, sio tu mdhamini wa klabu ya Simba, bali pia Mwanasimba aliyeipeleka klabu Brazil na kuwezesha kuifunga Yanga mabao mengi zaidi ambayo hayajapata kulipwa na wapinzani wetu hata kwa kuungakuunga, Mwanamageuzi wa Bunge na Spika wa mioyo ya Watanzania.

Hata katika kifo chake, Samwel John Sitta ameweka rekodi nyengine - kwa Bunge kufanya kikao maalumu kuenzi mmoja wa wajumbe wake mahiri kati ya mwaka 1975 - 2015 isipokuwa tu kwa kipindi cha 1995 - 2005. Rekodi hii itaendelea kwa wengine wote watakaofuata baada yake.

Ni mtu wa namna gani wewe Samwel Sitta? Spika wa Kasi na Viwango, unayeweka rekodi hata ukiwa umelala ndani ya Jeneza lako lililopambwa na Bendera ya Taifa letu ukielekea nyumbani kwako Urambo kwenye nyumba yako ya milele. Ulikuwa hushindwi ukiwa hai, umeonyesha umahiri wako hata ukiwa kwenye umauti. Kweli wewe ni Spika wa Watu (The Peoples Speaker).

Tuliokupenda tunajua. Ulikuwa Baba mlezi. Ulikuwa Mume mwema. Ulikuwa Babu. Ulikuwa Kiongozi. Nadhani hata kwa uliokwaruzana nao hapa na pale wanajua hilo. Leo sote tuna majonzi makubwa. Umeliunganisha Taifa katika kukukumbuka ewe Spika wa Watu.

Ulikuwa na vyeo vingi; Mbunge, Naibu Waziri, Waziri, Mkuu wa Mkoa, Waziri tena, Mkurugenzi Mtendaji, Spika, Waziri tena na Mwenyekiti wa Bunge Maalumu la Katiba. Lakini, wala, tunakuita Spika Sitta tu. Kwanini? Kwa sababu 'Legacy' yako ni Bunge la Jamhuri ya Muungano wa Tanzania.

Sio kwamba umeanzisha Bunge wewe, la hasha. Lakini ulipopokea Uspika wa Bunge letu, kama ilivyo jadi yako, uliliboresha, uliwezesha kutunga kanuni mpya, uliimarisha Mhimili huu na kuuweka katika nafasi yake ya Kikatiba.

Nakumbuka siku moja ulimwomba Rais wa Jamhuri ya Muungano wa Tanzania aongee na baadhi yetu, ilikuwa mwaka 2006. Mimi nikiwa nina miaka 29 tu. Tukakutana na Rais ukumbi wa Msekwa. Baada ya kikao kilichofanikiwa kumshawishi Rais kuhusu mabadiliko uliyoyataka uliniambia;

"Babu, mimi sasa alasiri, ninyi ndio saa nne asubuhi. Nawawekea misingi tu na kuliweka Bunge katika nafasi yake ya kikatiba".

Kilichofuata ni mabadiliko makubwa ya Kanuni za Bunge, kuandikwa upya kwa Sheria ya Bunge (National Assembly Administration Act, 2008) na kuanzishwa kwa Mfuko wa Maendeleo ya Majimbo, Constituencies Development Catalyst Fund (CDCF).

Samwel Sitta, bado tunasikia mwangwi wa sauti yako nene kutoka kwenye kiti cha Spika ukiwataka Mawaziri wajibu maswali kwa ufasaha. Hukuisahau Tabora yako. Damu ya kichifu wa Unyanyembe ya Fundikira kutoka mama yako Zuwena ilikusambaa kwenye mishipa yako. Ukiona kuna swali linalohusu mkoa wako wa Tabora hukusita kuwaambia Mawaziri wajibu vizuri (haswa kuhusu barabara), au ukiamsha jeshi lako (akina Lucas Lumambo Selelii nk) wakisema "mheshimiwa Spika, wewe leo ukipata dharura Urambo unafikaje!". Yote hiyo kutilia nguvu umuhimu wa maendeleo ya mkoa wako.

Wewe ni kielelezo cha Demokrasia ya Vyama vingi bungeni. Ulitoa nafasi kwa wabunge wote wa kambi zote ndani ya Bunge. Hatusemi hukubagua, la hasha, uCCM wako ulikuwa pale pale. Lakini walio wengi walishinda na walio wachache walisikika. Ndio Demokrasia hiyo.

Sitta ulikuwa Muungwana. Nakumbuka siku ile unamwomba radhi Mzee John Momose Cheyo katika kamati ya Uongozi (baada ya kuwa ulimtoa kwa makosa bungeni), eti msongo wa mawazo ulikujaa kwani watu wanapitapita Jimboni. Lakini uliwashinda. Unyenyekevu wako wa kuomba radhi unapokosea ni somo kubwa sana kwa Viongozi wengine tuliobakia.

Wabunge wenzangu, tunataka kumuenzi Spika wa Watu - Samwel John Sitta? Basi hakuna kumuenzi bora zaidi kama kuimarisha uhuru na heshima ya Bunge letu.

Tuendeleze Jahazi.

Samwel Sitta anakwenda kwenye nyumba yake ya milele akiongozwa na imani yake kubwa kwa Mungu na uzalendo wake usio na mawaa kwa nchi yake Tanzania. Angalau bado ataendelea kuwa nasi kwa kutuachia mafundisho makubwa kutokana na Maisha yake, mambo mema aliyoyafanya kwa nchi yetu, ndoto aliyoiishi ya Tanzania imara na yenye heshima, na malezi kwa viongozi wengi vijana aliowafunda na kuwalea kiuongozi.

Ni dhahiri umeishi maisha yako Babu. Kama isemavyo biblia, 2 Timotheo 4:7 "Nimepigana Vita vilivyo vizuri, mwendo nimeumaliza, Imani nimeilinda".

Tangulia Spika wa Watu (The Peoples’ Speaker).Tangulia Spika wa Bunge la Wananchi. Tangulia Samwel John Sitta.
Mola akulaze pema.

Kabwe Z. Ruyagwa Zitto
Novemba 11, 2016
Dodoma