Rais Magufuli amtumbua Mkurugenzi Mkuu TIC

RAIS John Magufuli ametengua uteuzi wa Mkurugenzi Mtendaji wa Kituo cha Uwekezaji Tanzania (TIC), Juliet Kairuki kwa sababu mbalimbali, ikiwemo kutochukua mshahara wake tangu alipoteuliwa mwaka 2013.
Kwa mujibu wa Katibu Mkuu wa Wizara ya Viwanda, Biashara na Uwekezaji, Profesa Adolf Mkenda, Dk Magufuli ametengua uteuzi huo rasmi kuanzia Aprili 24, mwaka huu. Profesa Mkenda alisema pamoja na mambo mengine, hatua hiyo imechukuliwa na Dk Magufuli baada ya kupata taarifa kuwa mkurugenzi huyo alikuwa hachukui mshahara wa serikali tangu alipoajiriwa, jambo lililozua maswali.
Aidha, kwa mujibu wa Profesa Mkenda, endapo Kairuki atakuwa tayari kuendelea kufanya kazi na Serikali ya Awamu ya Tano, atapangiwa kazi nyingine. Alisema kutokana na hatua hiyo, tayari mchakato wa kumpata Mkurugenzi mpya umeanza mara moja.
“Wakati mchakato huo ukiendelea kwa sasa Clifford Tandali atakaimu nafasi ya Mkurugenzi Mtendaji wa kituo hicho,” alisisitiza Katibu Mkuu huyo. Kairuki anakuwa Mkurugenzi wa pili wa mashirika ya umma kutenguliwa uteuzi wake baada ya Rais Magufuli juzi kutengua uteuzi wa Mkurugenzi Mkuu wa Mamlaka ya Mawasiliano Tanzania (TCRA), Dk Ally Simba.
Kairuki ni mtaalamu wa Sheria na masuala ya ubia kati ya Serikali na wawekezaji, na aliteuliwa kushika wadhifa huo Aprili 12, 2013 na Rais wa Awamu ya Nne, Jakaya Kikwete kutoka katika Chama cha Mabenki Afrika Kusini akiwa ni Meneja Mkuu wa Idara ya Benki na Huduma za Fedha.

Meya Chadema aomba Rais Magufuli aungwe mkono

MEYA wa Jiji la Dar es Salaam, Isaya Mwita (Chadema) amesema ni wakati wa kuweka itikadi za siasa pembeni na kumuunga mkono Rais John Magufuli katika jitihadi zake za kuijenga nchi.
Pamoja na hayo, mameya wa manispaa mbalimbali za jiji hilo, wamebainisha kuwa wamepanga kufanya kazi kwa ushirikiano kwa lengo moja la kulijenga jiji hilo na kuwaletea wananchi wake maendeleo bila kujali itikadi zao za kisiasa.
Akizungumza katika uzinduzi wa daraja la kisasa la Nyerere jijini Dar es Salaam juzi, Mwita alisema kwa sasa Tanzania inahitaji umoja na mshikamano. “Baada ya harakati za uchaguzi zilizomalizika mwaka jana, sasa uchaguzi umeisha ni kipindi cha kujenga taifa letu.
Tukienda kwa mtindo wa kugawana mbao hatutojenga taifa hili,” alisisitiza diwani huyo wa Vijibweni katika wilaya mpya ya Kigamboni. Alisema ni wakati wa kumsaidia Dk Magufuli kwa kuhamasisha watu wote wanaostahili kulipa kodi walipe kodi hiyo, ikiwa ni pamoja na kubuni vyanzo vipya vya mapato.
Alisema ili Dar es Salaam ipate maendeleo lazima wananchi hasa wafanyabiashara walipe kodi. “Tunahitaji kujenga madaraja, shule na hospitali. Msidhani Rais ana uwezo wa kutoa fedha mbinguni kwa ajili ya kujenga taifa hili. Lipeni kodi tupate maendeleo,” alisisitiza.
Kwa upande wake, Meya wa Temeke, Abdallah Chaurembo (CCM) alisema kwa sasa Jiji la Dar es Salaam lina mameya wanne na wote wamejipanga kufanya kazi kwa maslahi ya wana Dar es Salaam na kuheshimu viongozi wote.
“Usiwe na mashaka na kuhusu utekelezwaji wa Ilani ya CCM katika jiji hili, kwani hata bajeti ya halmashauri zetu zimetumia vigezo vilivyopo kwenye Ilani hiyo,” alisema Chaurembo akimueleza Rais Magufuli.
Akizindua daraja hilo, Magufuli ambaye amekuwa akisisitiza utaifa mbele badala ya mambo ya vyama, alisema, “Nafikiri kama Wizara ya Ujenzi itakubali kutokana na historia ya daraja hili, wapo viongozi wetu waliofanya makubwa, waliunganisha watu zaidi ya makabila 200, tukapendana bila kubaguana kwa vyama, rangi, lugha wala dini...Na daraja hili halitabagua mtu wa kupita, halitabagua CCM wala Chadema, wote hawa watapita.”

HIACE YATUMBUKIA BAHARINI, YAUA WAWILI

DAR ES SALAAM WATU wawili wamefariki dunia baada ya kutumbukia baharini wakiwa ndani ya gari aina ya Toyota Hiace iliyokuwa imebebwa ndani ya Kivuko cha MV Kigamboni, Dar es Salaam. Tukio hilo la kusikitisha lilitokea jana, wakati kivuko hicho kikipakia abiria katika kituo cha Magogoni. Mmoja wa mashuhuda wa tukio hilo, Brown Mwakalago aliiambia MTANZANIA kuwa lilitokea saa 10 alfajiri ambapo mmoja wa waliofariki dunia ni dada yake, Nice Mwakalago (52) mkazi wa Tukuyu mkoani Mbeya. Akisimulia tukio hilo, Mwakalago alisema walitoka Mbeya kuja Dar es Salaam

Nusu Fainali ya Uefa Europa League

Droo ya Nusu Fainali ya Uefa Europa League imefanyika na tayari timu nne zilizoingia katika hatua hiyo zimepangwa jinsi zitakavyokutana.
Villarreal imepangwa kuanza mechi ya kwanza ya hatua hiyo kwa kuikaribisha Liverpool wakati ambapo Shakhtar Donetsk itacheza dhidi ya Sevilla.
Nusu fainali ya kwanza inatarajiwa kuchezwa Aprili 28 wakati ambapo mechi za marudio za hatua hiyo zitachezwa Mei 5, 2016.
Fainali ya michuano hiyo inatarajiwa kuchezwa Mei 18, 2016 kwenye Uwanja wa St. Jakob-Park...

RATIBA YA NUSU FAINALI YA EUFA CHAMPIONS LEAGUE HII HAPA

Tayari ratiba ya nusu fainali ya michuano ya UEFA Champions League imeshatoka baada ya kuchezeshwa draw ya kutafuta nani ataumana na nani kati ya vilabu vinne vilivyosalia kwenye michuano hiyo baada ya Jumanne na Jumatano kushuhudia vilabu vingine vinne vikiyaaga mashindano hayo ikiwa ni pamoja na bingwa mtetezi Barcelona.
Manuel Pellegrini atarejea kwenye klabu yake ya zamani baada ya Manchester City kujikuta ikitakiwa kupambana na miamba ya Hispania Real Madrid wakati Atletico Madrid watakwaana na kikosi cha Pep Guardiola Bayern Munich mechi ambazo zitapigwa April 26/27 na May 3/4.
Atletico Madrid v Bayern unatarajiwa kuwa mchezo wa ina yake uliojaa mbinu na ufundi mwingi kutokana na makocha wa timu hizo kufahamiana vizuri kwasababu walishawahi kuchuana kwenye ligi ya Hispania La Liga wakati Pep akiwa kocha wa klabu ya Barcelona. Kunauwezekano wa kuwepo fainali ya Madrid derby endapo vilabu vyote vya Hispania vitafuzu hatua ya fainali kitu ambacho kilitokea mwaka 2014.
Kitu kingine kizuri ni kwamba, endapo The Bavarians na Manchester City zitafuzu hatua ya fainali, Pep Guardiola atakutana na timu yake atakayoifundisha msimu ujao.

Njia za Mawasiliano za Jeshi La Polisi Tanzania

Njia za Mawasiliano za Jeshi La Polisi Tanzania

	NAMBA ZA MAKAMANDA WA POLISI
MKOA	JINA LA KAMANDA	NAMBA ZA SIMU
ARUSHA	DCP  LIBERATUS  SABAS	0715 009 912
MWANZA	SACP JASTUS KAMUGISHA	0715 009 949
KIGOMA	SACP FERDINAND E. MTUI	0715 009 915
RUKWA	SACP JACOB MWARUANDA	0715 009 954
KAGERA	SACP AUGUSTINO OLLOMI	0715 009 916
ILALA	SACP LUCAS MKONDYA	0715 009 980
KATAVI	SACP DHAHIRI KIDAVASHARI	0715 009 957
MOROGORO	SACP ULRICH MATEI	0715 009 946
DODOMA	ACP LAZARO MAMBOSASA	0715 009 914
MBEYA	SACP AHMED MSANGI	0715 009 931
KILIMANJARO	ACP WILBROAD MTAFUNGWA	0715 009 923
PWANI	ACP BONAVENTURA MSHONGI	0715 009 953
MTWARA	ACP  HENRY MWAIBAMBE	0715 00 99 48
SHINYANGA	ACP MIKA NYANGE	0767 508 090
MANYARA	ACP FRANCIS MASSAWE	0715 009 929
NJOMBE	ACP PRUDENSIANA PROTAS	0658 376 495
MARA	ACP  RAMADHANI NG'AZI	0715 009 930
SIMIYU	ACP ONESMO   LYANGA	0658 37 64 81
TANGA	SACP LEONARD PAUL	0715 009 963
LINDI	ACP RENATA M. MZINGA (BI)	0715 009 927
SINGIDA	ACP THOBIAS G. SEDOYEKA	0715 009 959
RUVUMA	ACP ZUBERI MWOMBEJI	0715 00 99 56
TARIME RORYA	ACP  GILLES MROTO	0715 009 964
GEITA	ACP MPONJOLI LOTSON	0658 376 488
TEMEKE	ACP ANDREW SATTA	0715 009 979
KINONDONI	ACP CHRISTOPHER FUIME	O715 009 976
TABORA	ACP HAMISI SELEMAN	0715 009 961
IRINGA	ACP PETER KAKAMBA	0715 009 921
MAKAMANDA WA VIKOSI NA VYUO VYA POLISI
JINA LA KIKOSI		JINA KAMILI	SIMU
Kamanda wa kikosi cha Usalama Barabarani		DCP  Mohamed Mpinga	0754 360 046
kamanda Bohari Kuu la Polisi		DCP  Andrian  Magayane	0713 635 425
Mkuu wa Chuo cha Polisi Dar es salaam		SACP Fulgence Ngonyani	0715 009 985
Kamanda kikosi cha Anga		SACP Modestus Lyimo	0658 37 64 67
Kamanda kikosi cha Wanamaji		SACP Mboje  Kanga	0658 481 002
Kamanda kikosi cha Ufundi		SACP Shabani M. Hiki	0713 629 824
Kamanda wa Polisi Tazara	Tazara	SACP Patrick   Byatao	0715 00 30 10
Kamanda wa  kikosi cha Ujenzi	Ujenzi	SACP Richard Malika	0658 376 503
Kamanda wa Polisi Reli		SACP Simon  Chillery	0658 69 99 96
Mkuu wa Shule ya Polisi Moshi		SACP Matanga Mbushi	0715 009 972
Mkuu wa kitengo cha kuzuia dawa za kulevya		ACP Mihayo Msikhela
Mkuu wa Chuo cha Polisi Zanzibar		SACP Deusdedit Nsimeki	0715 009 973
Kamanda wa Kikosi cha Kutuliza Ghasia (FFU)		SACP Frasser Kashai	0719 222 101
Kamanda wa kikosi	cha Polisi Bendi	ACP Adelgot Haule	0717 260791
Kamanda wa Polisi viwanja vya Ndege		ACP  Martin Otieno	0658 444 488
Kamanda kikosi cha Polisi Afya		ACP Paulo Kasabago	0713 63 26 91
Kamanda wa  Kikosi cha Kuzuia wizi wa Mifugo		ACP Simon C. Ngowi	0658 37 60 62
Mkuu wa Kikosi cha Mbwa na Farasi		SSP DK Eugen Emmanuel	0782 078 503
	MAKAO MAKUU YA JESHI LA POLISI
Inspekta Jenerali wa Polisi Tanzania		IGP Ernest  Mangu	0789 94 94 95
Naibu Inspekta Jenerali wa Polisi		DIGP Abdulrahmani Kaniki	0658 90 01 26
Kamishina wa Fedha na Logistics		CP Albert Nyamhanga	0786 02 98 96
Kamishina wa Operesheni na Mafunzo		CP  Nsato Marijani	0658 48 10 03
Kamishina wa Polisi  jamii		CP  Mussa Alli Mussa	0782 41 72 47
Kamishina wa Utawala na Utumishi		CP Thobias  Andengenye	0688 88 33 73
Mkurugenzi wa Upelelezi wa Makosa ya Jinai		CP Diwani Athumani	0 715 32 34 44
Kamishna wa Uchunguzi wa Sayansi ya Makosa ya Jinai		CP Elice Mapunda	0719 11 40 00
Kamishna wa Intelijensia ya Jinai		CP Robert Boaz	0677 88 51 00
Mkuu wa ufuatiliaji na Tathmini		DCP Mpinga Gyumi	0658 27 10 02
Mkuu wa Kitengo cha Miradi ya Maendeleo na Ununuzi		DCP Sospeter Kondela	0713  63 58 40
Mkuu wa  Mafunzo		DCP Ally Lugendo	0754 59 44 50
Afisa Mnadhimu Makao  Makuu ya Upelelezi		DCP Faustine Shilogile	0786 28 32 55
Mkuu wa operesheni za Polisi		DCP Jackson Daniel Nyambabe	0658 47 05 02
Mkuu wa Mipango na Bajeti		SACP Francis Massawe
Mkuu wa Mahusiano ya Kimataifa		SACP  Germanus  Muhume	0713 63 36 17
Mkuu wa Interpol		SACP Gustavus Babile	0754  28 89 72
Mkuu wa  Fedha		SACP Ndallo Shihango	0754 50 79 18
Mkuu wa kitengo cha Teknohama		ACP Mkungu	0677 00 43 32
Mkuu wa Dawati la jinsia na watoto		ACP Tatu Mfaume
Afisa Mnadhimu Makao Makuu ya Polisi		ACP Akili Mpwapwa	0754 47 08 92
Mhasibu Mkuu  wa Jeshi la Polisi		Bw. Frank Msaki	0754 49 42 86
Msemaji wa Jeshi la Polisi		SSP Advera Bulimba	0758 00 98 61
Meneja Mkuu Bwalo la Maafisa Oystarbay		INSP Antonin Mkundi	0655 83 15 25
Kitengo cha maadili na malalamiko			0732 92 20 68/ 0677 99 99 99
	KANDA MAALUM YA POLISI DAR ES SALAAM
Kamanda wa Polisi Kanda Maalum DSM		CP Simon Sirro	0686 28 09 94
Mkuu wa Utawala na Fedha Kanda Maalun		DCP Hezron Gimbi	0677 88 51 03
Mkuu wa Upelelezi Kanda Maalumu		ACP Camilius Wambura	0658 11 11 00
Mkuu wa Kikosi cha Polisi 999 DSM		SP  George  Daniel	0713 32 39 99
Simu ya Dharura			111 /112
Chumba cha 999			0787 66 83 06
	KAMISHENI YA POLISI  ZANZIBAR
Kamishina wa Polisi Zanzibar		CP  Hamdani Makame	0754 41 26 90
Naibu Mkurugenzi  wa Upelelezi wa Makosa ya Jinai Zanzibar		DCP Salum Msangi	0713 37 07 30
	MAKAMANDA WA POLISI MIKOA YA ZANZIBAR
Kaskazini Pemba	SACP Hassan Nassiri Ali	0715 00 99 17
Kusini Unguja	ACP Juma Saadi Khamis	0715 00 99 25
Mjini Magharibi	ACP Mkadam Khamis Mkadam	0715 00 99 39
Kusini Pemba	ACP Mohamed S. Mohamed	0715 00 99 24
Kaskazini Unguja	ACP Hassan M. Msangi	0715 00 99 18

Rais wa Zanzibar achagua mawaziri 13

RAIS wa Zanzibar na Mwenyekiti wa Baraza la Mapinduzi, Dk Ali Mohamed Shein ametangaza Baraza la Mawaziri lenye wizara 13.
Baraza hilo lina sura mpya nane, likiwajumuisha wajumbe kutoka katika vyama vya siasa vya upinzani, wanasiasa mashuhuri visiwani humo, huku naibu mawaziri saba wote wakiwa wageni katika nafasi hiyo.
Akitangaza majina hayo jana, Dk Shein anayeianza awamu ya pili ya utawala wake Zanzibar, alimtangaza Dk Halid Salum Mohammed, ambaye ni Mwakilishi wa Jimbo la Donge, kuwa Waziri wa Fedha na Mipango.
Katika awamu iliyopita, Dk Halid alikuwa Katibu Mkuu, Ofisi ya Makamu wa Pili wa Rais.
Riziki Pembe Juma, Mwakilishi wa Viti Maalumu, ameteuliwa kuwa Waziri wa Elimu na Mafunzo ya Amali, wakati Moudin Castico, Mjumbe wa Baraza la Wawakilishi aliyeteuliwa na Rais, anakuwa Waziri wa Kazi, Uwezeshaji Wazee, Wanawake na Watoto.
Wengine ni Rashid Ali Juma, Mwakilishi wa Jimbo la Amani ambaye ameteuliwa kuwa Waziri wa Habari, Utangazaji, Utalii na Michezo.
Balozi Ali Karume, mmoja wa wanasiasa mashuhuri Zanzibar, ambaye kwa sasa ni Mwakilishi wa Kuteuliwa na Rais, yeye ameteuliwa kuwa Waziri wa Ujenzi, Mawasiliano na Uchukuzi, huku Salama Aboud Talib, ambaye ni Mwakilishi wa Viti Maalumu na Naibu Katibu Mkuu wa Jumuiya ya Wanawake nchini (UWT), akiteuliwa kuwa Waziri wa Ardhi, Maji, Nishati na Mazingira.
Balozi Amina Salum Ali aliyeshika nafasi ya pili, baada ya Rais John Magufuli, katika mchakato wa kumpata mgombea urais kwa tiketi ya CCM mwaka jana, yeye ameteuliwa kuwa Waziri wa Biashara, Viwanda na Masoko.
Wapinzani ndani
Dk Shein pia amemteua Hamad Rashid Mohammed, ambaye ni Mwenyekiti wa chama cha ADC, ambaye pia amewahi kuwa kiongozi wa ngazi za juu wa CUF, kuwa Waziri wa Kilimo, Maliasili, Mifugo na Uvuvi.
Hamad pia ndiye aliyeibuka katika nafasi ya pili katika Uchaguzi Mkuu wa marudio wa Zanzibar kwa kupata kura 6,734 baada ya Rais Shein aliyeibuka na ushindi mnono wa kura 299,982 sawa na asilimia 91.4.
Waziri huyo wa Kilimo, Maliasili, Mifugo na Uvuvi alifuatiwa kwa karibu na mgombea urais wa CUF, Maalim Seif Sharif Hamad aliyepata kura 6,076. Viongozi wengine kutoka vyama vya upinzani walioteuliwa katika Baraza la Mawaziri ni Said Soud Said kutoka AFP na Juma Ali Khatib kutoka TADEA, ambao wanakuwa mawaziri wasiokuwa na wizara maalumu.
Mawaziri wa zamani
Mawaziri wanaoendelea na nyadhifa zao ni Haji Omar Kheir aliyeteuliwa kuwa Waziri wa Tawala za Mikoa, Serikali za Mitaa na Idara Maalumu za Serikali, huku Issa Haji Ussi Gavu ambaye katika kipindi kilichopita alikuwa Naibu Waziri wa Mawasiliano na Miundombinu, amepanda na kuwa Waziri wa Nchi Ofisi ya Rais, Baraza la Mapinduzi.
Mwakilishi wa Jimbo la Makunduchi, Haroun Ali Suleiman, ameteuliwa kuwa Waziri wa Nchi, Ofisi ya Rais (Katiba, Sheria na Utawala Bora).
Mohammed Aboud Mohamed ambaye katika kipindi kilichopita alikuwa Waziri wa Nchi Ofisi ya Makamu wa Pili wa Rais, anaendelea na wadhifa wake huo bila ya mabadiliko, huku Mahmoud Thabit Kombo Jecha, ambaye ni Mwakilishi wa Kiembesamaki akipandishwa kutoka Naibu Waziri wa Afya kuwa waziri kamili wa wizara hiyo.
Naibu Mawaziri Dk Shein ameteua naibu mawaziri saba wote wakiwa ni wapya akiwemo Lulu Msham Khamis kuwa Naibu Waziri wa Kilimo, Maliasili, Mifugo na Uvuvi na Harusi Said Suleiman kuwa Naibu Waziri wa Afya.
Chum Kombo Khamis, ameteuliwa kuwa Naibu Waziri wa Habari, Utangazaji, Utalii na Michezo na Mmanga Mjengo Mjawiri ameteuliwa kuwa Naibu Waziri wa Elimu na Mafunzo ya Amali.
Wengine ni Juma Makungu Juma ambaye amechaguliwa kuwa Naibu Waziri wa Ardhi, Maji, Ujenzi, Nishati na Mazingira, huku Khamis Juma Maalim, akiwa Naibu Waziri wa Katiba na Sheria na Mohammed Ahmed Salum akiteuliwa kuwa Naibu Waziri wa Ujenzi.
Waliotemwa
Mawaziri waliotemwa ni pamoja na Dk Mwinyihaji Makame, Mwakilishi wa Dimani ambaye katika baraza lililopita alikuwa Waziri wa Nchi Ofisi ya Rais Ikulu na aliyekuwa Waziri wa Fedha, Omar Yussuf Mzee.
Mwingine ni Dk Sirra Umbwa Mamboya ambaye katika baraza lililopita alikuwa Waziri wa Kilimo na Maliasili na katika Baraza la Wawakilishi alikuwa Mjumbe wa Kuteuliwa na Rais, ambaye mwaka huu hakupata uteuzi wowote.
Kwa mujibu wa taarifa ya Ikulu iliyotolewa na Katibu Mkuu Kiongozi, Dk Abdulhamid Yahya Mzee, Rais ataapisha mawaziri wapya na naibu mawaziri leo Jumapili Ikulu kwa ajili ya kuanza kutekeleza majukumu yao mapya kwa mujibu wa Katiba.
Lawama za SUK
Baada ya kutangaza mawaziri hao, Dk Shein alisema Serikali ya Umoja wa Kitaifa, imekwama kutokana na matakwa ya wananchi na si kikatiba.
Amefafanua kuwa tatizo ni vyama vya siasa ikiwemo CUF, kukacha kushiriki kikamilifu katika Uchaguzi Mkuu wa Marudio Machi 20, mwaka huu na kusisitiza hatishwi na uamuzi wa chama hicho na vingine vya upinzani kutoitambua Serikali yake.
“Kukwama kwa Serikali ya Umoja wa Kitaifa si kikatiba ni matakwa ya wananchi ambao waliamua kupigia Chama Cha Mapinduzi kura nyingi na kushinda katika majimbo yote ya uchaguzi Unguja na Pemba. “Tatizo hapa lipo kwa vyama vya siasa vilivyoamua kususia uchaguzi wa marudio ambao uliitishwa kwa mujibu wa Katiba na sheria za Tume ya Uchaguzi ya Zanzibar ZEC,” alisema.
Dk Shein alisema Serikali ya Umoja wa Kitaifa ambayo ameiongoza kwa miaka mitano, imetekeleza majukumu yake vizuri licha ya kuwepo kwa hitilafu ndogo ndogo alizoziita ni za kawaida.
Pamoja na kuwepo kwa changamoto hiyo ya kukwama kwa Serikali ya Umoja wa Kitaifa, iliyotokana na hatua ya makusudi ya CUF ya kutoshiriki katika uchaguzi wa marudio, Dk Shein amesema hatabadilisha vifungu vya Katiba kwa ajili ya kuruhusu na kutoa nafasi ya muundo wa Serikali ya Umoja wa Kitaifa kama ilivyokuwa awali.
Kutambuliwa na Mungu
Alisema hababaishwi na kauli za CUF zilizotolewa na Maalim Seif za kutoitambua serikali yake na kusisitiza Serikali yake inatambuliwa na Mungu ambaye ameipa baraka zote pamoja na wananchi wa Unguja na Pemba ambao ndiyo walioipigia kura kwa wingi na kuipa nafasi ya kushika hatamu ya madaraka.
“Serikali yangu inatambuliwa na Mwenyezi Mungu kutokana na kudra zake na anayesema haitambui basi hiari yake, lakini mimi nawapongeza wananchi na wanachama wa Chama Cha Mapinduzi, ambao wamenipigia kura za ndiyo kwa ajili ya kunipa ridhaa ya kushika hatamu ya kuongoza dola,” alisema.

Agizo la Magufuli kwa MaRC mwisho leo

SIKU 15 alizotoa Rais John Magufuli kwa wakuu wa mikoa, wawe wamejumlisha wafanyakazi wote na kuhakikisha wanaondoa wafanyakazi hewa, zimetimia leo. Baadhi ya mikoa imeanika idadi ya watumishi hewa, waliobainika kupitia uhakiki huo, lakini mingi haijafanya hivyo.
Agizo hilo la Rais Magufuli ni sehemu ya maagizo kadhaa aliyotoa Machi 15 mwaka huu wakati akiwaapisha wakuu hao wa mikoa jijini Dar es Salaam; ambao aliwasisitiza kuwa ili mradi wamekubali kushika wadhifa huo, wameingia kwenye mtego.
Pamoja na majukumu mengine waliyopewa kuhakikisha wanayatekeleza katika uongozi wao, suala la watumishi hewa ni mtego unaowakabili wakuu hao wa mikoa wakipaswa kujinasua nao ndani ya wiki hii ambao siku zilizotolewa zimefika ukomo; Vinginevyo, wataweka rehani nyadhifa zao.
Majukumu mengine ambayo wakuu hao wa mikoa walipewa na Rais wahakikishe wanayatekeleza, ni pamoja na kukabili ujambazi hususan wakuu wa mikoa ya pembezoni inayokabiliwa na tatizo la utekaji magari kiasi cha serikali kuamua kuweka utaratibu wa polisi kuyasindikiza.
Mengine ni kukabili watu wazembe, watendaji wanaowanyanyasa wananchi, njaa, kodi za mazao, migogoro ya ardhi na kuhakikisha wanasimamia mpango wa elimu bure unafanikiwa.
Tangu Rais atoe maelekezo hayo ya kukabili wafanyakazi hewa, mikoa mbalimbali inaendelea na mchakato wa kuhakiki wafanyakazi kwenye idara na taasisi mbalimbali, ikiwa ni pamoja na kuwataka watumishi kuwasilisha nyaraka mbalimbali ikiwemo barua za ajira.
Katika mchakato huo ambao umezaa matunda kwa kubaini watumishi hewa waliokuwa wakilipwa mishahara, baadhi ya halmashauri zililazimika kufuta huku baadhi ya halmashauri zimeamuru watumishi wake walio masomoni na kwenye likizo, warudi mara moja katika vituo vyao vya kazi kuhakikiwa.
Madudu yaibuliwa Miongoni mwa mikoa ambayo imetoa taarifa za uhakiki ni pamoja na mkoa wa Dodoma, ambao umetajwa kuwa na watumishi hewa 144. Mkuu wa Mkoa wa Dodoma, Jordan Rugimbana, ameagiza kupelekewa orodha ya watumishi hao na wakati huo huo kupatiwa maelezo kwa nini kuna watumishi hewa na kutaka kupatiwa orodha za watumishi hao.
Akizungumza hivi karibuni wakati wa makabidhiano ya ofisi na aliyekuwa Mkuu wa Mkoa wa Dodoma, Chiku Gallawa aliyehamia Mkoa wa Songwe, Rugimbana alisema uhakiki wa watumishi wa serikali umebaini uwepo wa idadi hiyo ya watumishi hewa .
Mkoa wa Kigoma pia ni miongoni mwa mikoa ambayo taarifa zake za uhakiki zimeshatolewa ambako imebainika kuwapo watumishi hewa 169 kwa kipindi cha mwaka uliopita.
Hata hivyo Mkuu wa Mkoa wa Kigoma, Emanuel Maganga amewataka wakuu wa Wilaya na Wakurugenzi wote waliopo katika halmashauri zote kutaja kiasi cha fedha kilichotumika kulipa mishahara watumishi hewa hao 169 ndani ya kipindi hicho cha mwaka mmoja uliopita.
Kwa mujibu wa Mkuu wa Mkoa huo wa Kigoma, watumishi hewa waliowabaini, wamo waliokwishafukuzwa, waliofariki na wengine wasiokuwa na sifa za kuwa watumishi wa umma.
Maganga ametaka fedha walizokuwa wakilipwa watumishi hao hewa kwa ajili ya mishahara, zirudi na wakati huo huo wakurugenzi wawafute kwenye orodha ya malipo.
Halmashauri za mkoa wa Kigoma zenye watumishi hewa na idadi yake kwenye mabano ni Kasulu (78), Kigoma (23), Manispaa ya Kigoma Ujiji (29), Buhigwe (11), Uvinza (19), Kibondo (5) na Ofisi ya Mkuu wa Mkoa yenye watumishi hewa wanne.
Halmashauri ya Kakonko ndiyo pekee isiyo na mtumishi hewa. Akizungumza na mwandishi wa gazeti hili jana, Mkuu wa Mkoa wa Pwani, Evarist Ndikilo, alisema leo ambayo ndiyo ukomo wa muda aliotoa Rais, atatoa taarifa kamili ya kazi hiyo ya kuhakiki wafanyakazi na kuondoa wafanyakazi hewa watakaokuwa wamebainika.
Ndikilo alisema, ipo timu inayo endelea kufanya uhakiki kwenye wilaya mbalimbali kwa kushirikiana na wakurugenzi wa halmashauri. Likizo zaahirishwa Kwa upande wa mkoa wa Dar es Salaam, Halmashauri ya wilaya ya Temeke ililazimika kuwaita watumishi wake walioko masomoni na likizo kurudi mara moja katika vituo vyao vya kazi wahakikiwe.
Msemaji wa Halmashauri ya Wilaya ya Temeke, Joyce Nsumba alisema hivi karibuni uhakiki uliendelea kwa makundi mbalimbali wakiwemo watumishi kutoka Idara ya Afya, Elimu, Fedha na Biashara, Kilimo, Mifugo, Ujenzi na Maendeleo ya Jamii.
Wakati anazungumza na mwandishi wa habari hizi hivi karibuni, Nsumba alisema walishahakiki watumishi 8,000. Sababu za uhakiki Uamuzi wa Rais Magufuli kuamuru ufanyike uhakiki, ulitokana na uchunguzi uliofanywa katika mikoa ya Singida na Dodoma katika halmashauri 14 na kugundulika kwa watumishi hewa 202 wanaolipwa mishahara.
Aliagiza uhakiki kwa watumishi wote katika wizara, mikoa, wilaya, idara,taasisi na Wakala za Serikali ndani ya siku 15. “Sasa niwaombe ndugu zangu wakuu wa mikoa, najua mtakwenda kuwapa maagizo wakurugenzi na wakuu wa wilaya.
Lakini niwape muda, ndani ya siku 15, wawe wamejumlisha wafanyakazi wote, wamewatoa wafanyakazi hewa,” ali waagiza. Rais Magufuli alisema mshahara ujao, ikigundulika kuwapo wafanyakazi hewa kwenye orodha ya malipo, mkurugenzi husika ajihesabu hana kazi na atafikishwa mahakamani.
Vile vile amewaambia mawaziri, hususan Waziri wa Fedha na Mipango aliyekuwapo kwenye hafla hiyo, wakawaeleze watendaji kwenye wizara zao na taasisi mbalimbali wahakikishe wanawaondoa wafanyakazi hewa ndani ya siku 15 na wasipotimiza agizo hilo hatua zitakuwa ni zilezile kwani sheria ni msumeno.
Alisema inasikitisha kuona fedha zinazokusanywa haziendi kwenye miradi inayopangwa, badala yake sehemu kubwa inatumika kulipa mishahara ikiwemo hewa. Alisema kwa ujumla Serikali inalipa mishahara kila mwezi kwa watumishi wake wa umma jumla ya Sh bilioni 549 mpaka bilioni 550.
Alisema kwa hali ilivyo, fedha nyingi zinaishia kwenye mishahara feki. Nawapa Ma-RC siku 15 mhakikishe Wakurugenzi wa halmashauri zote wamejumlisha idadi ya wafanyakazi wote waliopo na kuondoa wafanyakazi hewa katika halmashauri zao,” alisisitiza Rais Magufuli.
Mikoa ya Tanzania Bara ni: Arusha, Dar es Salaam, Dodoma, Tanga, Lindi, Mtwara, Ruvuma, Iringa, Njombe, Mbeya, Songwe, Rukwa, Katavi, Kigoma, Kagera, Geita, Mwanza, Simiyu, Shinyanga, Singida, Tabora, Pwani, Manyara, Mara, Morogoro na Kilimanjaro

Kuapisha kwa rais wa zanzibar

RAIS Ali Mohammed Shein ameapa kuiongoza tena Zanzibar huku akiahidi kuunda serikali itakayowaunganisha Wazanzibari wote.
Uundwaji wa Serikali ya Mapinduzi ya Zanzibar (SMZ) ni jambo linalosubiriwa kwa hamu na wananchi, kuona kama Dk Shein baada ya kushinda kwa zaidi ya asilimia 90, ataunda Serikali ya Umoja wa Kitaifa.
Hiyo ni kutokana na Chama cha Wananchi (CUF) ambacho ni chama kikuu cha upinzani, kususia uchaguzi wa marudio uliompa ushindi wa kishindo Dk Shein kwa kile wanachodai kuwa hawawezi kushiriki uchaguzi haramu ambao matokeo yake ni kubakwa kwa demokrasia.
Lakini Dk Shein wakati amemaliza kuapa na kusomewa dua na viongozi mbalimbali wa dini kutoka madhehebu ya Kiislamu, Wakatoliki na Anglikana kwenye Uwanja wa Amaan mjini Unguja jana, aliwahakikishia Wazanzibari kuwa ataendelea kuulinda umoja wao kwa kushirikiana na vyama vya upinzani ili kuiletea Zanzibar maendeleo.
“Vyama vya upinzani vimenipa imani kubwa hasa kutokana na maelezo yao waliyoyatoa siku ya kutangazwa matokeo, ujumbe wao ni wa kuijenga Zanzibar na mimi naahidi kuwa nitashirikiana nao bila ubaguzi wowote,” alisema Dk Shein anayeongoza muhula wake wa pili na wa mwisho kikatiba.
Alisema serikali atakayoiunda itaheshimu misingi ya utawala bora, haki za binadamu na hivyo aliwaomba wananchi wamuunge mkono kwa kufanya kazi ili wajiletee maendeleo kwa kuwa uchaguzi tayari umeshaisha.
“Uchaguzi umeisha, sasa tushirikiane wote kuijenga Zanzibar yetu, kila mtu akafanye kazi maana kila mtu mchango wake ni muhimu kwa ustawi wa nchi yetu,” alisema Dk Shein.
Pia alitoa mwito kwa wananchi kuendelea kuitunza amani iliyopo huku akionya kuwa serikali yake ile ya Muungano haitakuwa na uvumilivu kwa mtu au kikundi kitakachojaribu kuvuruga amani iliyopo.
Hata hivyo, aliahidi kutoa mwelekeo wa Serikali yake atakapokuwa anazindua Baraza la Mapinduzi Zanzibar hivi karibuni. Hali ilivyokuwa Amaan Jina la Mwenyekiti wa Tume ya Uchaguzi Zanzibar (ZEC), Jecha Salim Jecha ndilo lililoshangiliwa kwa nguvu na wafuasi wa CCM waliofurika kwenye Uwanja wa Amaan wakati wa shughuli ya kumwapisha Dk Shein.
Jecha aliyejitokeza akiwa kwenye jopo la watu mashuhuri ambao waliitwa kwenda kwenye jukwaa maalumu, lililoandaliwa kwa ajili ya Rais Mteule kuapa, alishangiliwa kwa nguvu wakati anashuka kwenda jukwaa hilo.
Jopo hilo lilihusisha Spika wa Baraza la Wawakilishi, Katibu wa Baraza la Wawakilishi, Katibu Kiongozi, viongozi wa dini pamoja na viongozi wengine liliongozwa na Jaji Mkuu wa Zanzibar, Omar Othman Makungu.
“Jecha, Jecha, Jecha,” wananchi waliimba jina hilo mara kwa mara wakati anaenda kwenye jukwaa hilo na wakati wanarudi baada ya kumaliza shughuli za kumwapisha Rais Shein. Jina la Jecha limekuwa maarufu baada ya kutangaza kufuta uchaguzi wa Oktoba 25, 2015.
Tangu atoe tangazo hilo, hawakuwahi kuonekana hadharani hadi juzi alipojitokeza wakati wa kutangaza matokeo ya uchaguzi wa marudio. Kufutwa kwa uchaguzi huo, kumefanya kuwepo na mpasuko mkubwa wa kisiasa visiwani hapa baada ya CUF ambacho ni chama kikuu cha upinzani kutangaza kususia kushiriki marudio ya uchaguzi uliofanyika Machi 20, 2016.
Maelfu ya watu walifurika katika uwanja wa Aman kushuhudia tukio hilo la kihistoria, lakini kwa bahati mbaya zaidi wengi wa watu hawakupata nafasi ya kuingia ndani na hivyo kulazimika kubaki nje na kusikiliza sherehe hizo kupitia vipaza sauti vilivyofungwa uwanjani hapo.
Kikundi cha Culture kilikuwepo kutumbuiza sherehe hizo. Nyimbo zake za ‘aliyepewa kapewa, hapokonyeki, hata ukifanya chuki unajisumbua’ na ule wa ‘unaomba radhi ya nini wakati uliyokusudia hayakuwa’, zilipamba sherehe hizo na kushangiliwa kwa nguvu na wananchi.
Sherehe hizo pia zilipambwa na gwaride la vikosi vya Jeshi la Ulinzi wa Wananchi wa Tanzania (JWTZ), Polisi, Kikosi Maalumu cha Kuzuia Magendo (KMKM), Mafunzo na Jeshi la Kujenga Uchumi (JKU).
Vikosi hivyo vilichora herufi ya A ambacho ni kifupi cha neno la Kigiriki la Alfa, ambalo maana yake ni mwanzo. Kuapishwa kwa Dk Shein jana ni mwanzo wa kuiongoza Zanzibar kwa muhula wa pili akiwa Rais wa Awamu ya Saba ya Zanzibar.
Marais wengine waliowahi kuiongoza Zanzibar tangu Mapinduzi ya mwaka 1964 ni Abeid Amani Karume, Aboud Jumbe, Ali Hassan Mwinyi, Abdul Wakil, Salmin Amour na Amani Abeid Karume.

Ndege yakamatwa ilikuwa ikisafilisha tumbili

WAKATI Waziri wa Maliasili na Utalii, Profesa Jumanne Maghembe akiwasimamisha kazi mara moja wakurugenzi wanne na mameneja saba wa Kanda wa Wakala wa Huduma za Misitu Tanzania (TFS) na Idara ya Wanyamapori kutokana na usimamizi mbovu wa rasilimali za nchi, ndege iliyokuwa ikisafirisha tumbili 61 nje ya nchi imekamatwa.
Mbali ya ndege hiyo ya mizigo ya Afrika Kusini, serikali inawashikilia watu kadhaa kwa kosa la kutaka kusafirisha nyani hao, rubani wake na watu waliohusika kutoa vibali vya kusafirisha nyani hao kinyume cha sheria.
Aidha, Profesa Maghembe amesema magogo yenye thamani ya Sh milioni 500 yaliyokuwa yamekatwa katika msitu wa Kalambo wilaya ya Kalambo mkoani Rukwa hivi karibuni, yametekezwa kwa moto na kuisababishia hasara serikali.
Waliosimamishwa kutoka TFS ni Mtendaji Mkuu wa Wakala huo, Juma Mgoo, Mkurugenzi Rasilimali Misitu, Zawadi Mbwambo na Mkurugenzi wa Matumizi Rasilimali Misitu, Nurdin Chamuya huku aliyesimamishwa kutoka Idara ya Wanyamapori ni Mkurugenzi Msaidizi Idara ya Wanyamapori Matumizi Endelevu, Dk Charles Mulokozi.
Baada ya kuwasimamisha hao amewateua watu wengine kushika nafasi zao wakati mchakato wa kuwapata watendaji wapya ukifanyika na walioteuliwa kukaimu nafasi hizo ni Kaimu Mtendaji Mkuu TFS, Gerald Kamwendo, Kaimu Mkurugenzi Rasilimali Misitu, Mwanaidi Kijazi, na Kaimu Mkurugenzi wa Matumizi Rasilimali Misitu, Haji Mpya na Kaimu Mkurugenzi upande wa Utawala, Emmanuel Winfred.
Profesa Maghembe alisema amewasimamisha kazi vigogo hao kwa kushindwa kusimamia na kudhibiti uvunaji haramu wa magogo, kusimamia ukusanyaji wa mapato na kushindwa kudhibiti usafirishaji wa wanyamapori.
Mbali na wakurugenzi hao, pia amewasimamisha kazi mameneja saba wa kanda wa TFS kwa kushindwa kusimamia ukusanyaji mapato yatokanayo na misitu katika maeneo yao.
Waliosimamishwa kazi na kanda zao katika mabano ni Hubert Haule (Kusini), Bakari Rashid (Mashariki), Cuthbert Mafipa (Kaskazini), Emmanuel Minja (Magharibi), Haji Khatibu (Ziwa) na Bruno Mallya (Nyanda za Juu Kusini).
Profesa Maghembe alisema amewasimamisha kazi maofisa hao kwa kushindwa kusimamia na kudhibiti uvunaji haramu wa magogo aina ya mkurungu na kusababisha uharibifu mkubwa katika Msitu wa Kalambo.
Jambo lingine ni ukusanyaji mapato ya serikali yatokanayo na misitu, lakini wakashindwa kuyapeleka benki na waliopeleka walipeleka kiwango kidogo kuliko walichokusanya na wengine hawakupeleka kabisa mapato hayo.
Kuhusu Mkurugenzi Msaidizi wa Idara ya Wanyamapori Matumizi Endelevu, Dk Mulokozi, alisema amemsimamisha kazi kupisha uchunguzi kutokana na kutoa kibali cha kusafirisha nyani 61 kati ya 450 waliokamatwa katika maeneo mbalimbali ya Kilimanjaro na Arusha wakati alimpa maelekezo ya kutokutoa vibali hivyo kwa siku nane.
Mapato
Kuhusu mapato, alisema Januari mwaka huu aliagiza kufanyika ukaguzi wa makusanyo ya fedha, zilizotokana na mapato ya maliasili na namna mameneja wa TFS walivyoshiriki kukusanya fedha na kuziwasilisha serikalini.
Alisema Kamati iliundwa kuchunguza ukusanyaji wa mapato katika kanda mbalimbali. Alisema kamati hiyo ilibaini mapungufu makubwa na ilitoa mapendekezo ya kufanyiwa kazi.
“Kamati imepitia na wametoa maelekezo zichukuliwe hatua za kinidhamu mapema iwezekanavyo.Wale ambao wa kufukuzwa kazi wafukuzwe, wale wa kusimamishwa kazi na wasimamishwe na kushtakiwa na wale wa kupata makaripio makali wapate,” alisema Profesa Maghembe.
Aliongeza kuwa licha ya mapendekezo hayo, TFS haikuchukua hatua zozote juu ya watumishi hao. Waziri huyo alisema anaona biashara zinaendelea kama kawaida bila hatua zozote.
Magogo.
Alisema hivi karibuni walipokea taarifa ya uvunaji wa magogo katika msitu wa Kalambo kutoka kwa Mkuu wa Wilaya ya Kalambo, William Ndile na aliyekuwa Mkuu wa Mkoa wa Rukwa, Magalula Magalula wakiomba msaada wa wizara juu ya udhibiti ilhali TFS ikiwa kimya.
Alisema baada ya taarifa hiyo, ilitumwa timu maalumu ya kuchunguza makosa makubwa kwenda kufanya uchunguzi.
Alisema timu hiyo iliona ni kweli magogo jamii ya mninga, yanakatwa na kutayarishwa huko huko na kisha kupakiwa katika makontena na kufungwa na rakili ya Mamlaka ya Mapato Tanzania (TRA) na nyaraka zinatengenezwa Zambia kwa kuwa Tanzania hairuhusu kusafirisha magogo nje ya nchi.
“Kwa kuwa inajulikana sisi kwa sheria zetu hairuhusiwi kusafirisha magogo nje ya nchini, rakili inafungwa huko huko porini na nyaraka zinatoka Zambia na wakati mwingine makontena hayo hupitishiwa Zambia na kuingizwa nchini na kupitishwa hadi bandarini,” alibainisha Waziri.
Alisema yote hayo yalikuwa yakifanyika huku TFS wakifahamu juu ya uvunaji huo wa magogo, ambao Meneja wa Wilaya na Mkoa walikuwa na taarifa na hata yeye alipofika huko, alishuhudia uharibifu huo wa misitu.
Alisema kuwa aliagiza magogo hayo, yaliyopo msituni yatolewe msituni, yapelekwe Matai yaliko makao makuu ya wilaya kwa ajili ya kuyapiga mnada ili fedha zake zikasaidie shughuli nyingine za serikali kama kununua vifaa tiba.
Lakini baada ya wao kuondoka huko Machi 9, mwaka huu na kudhani kuwa magogo yote sasa yatakuwa yametolewa hadi Matai ili uandaliwe utaratibu wa kuyapiga mnada, ameambiwa kuwa magogo yale yamemwagiwa petroli na kuchomwa moto yakiwa na thamani ya Sh milioni 500.
“Kwa wiki mbili tangu tuagize magogo haya yawe yametolewa msituni, kama TFS wangechukua hatua haraka za kutoa magogo hayo, fedha za serikali zisingeweza kuchomwa moto na kukaa kuhangaika kupata fedha za kununulia dawa wananchi,” alieleza Profesa Maghembe.
Alisema kuna matatizo mengi katika TFS katika uvunaji wa misitu na wamekuwa wakifanya uchunguzi. Alisema kuna wavunaji misitu husafirisha mazao hayo kwa kutumia vivuli vya vibali, badala ya vibali halisi.
Maeneo mengine aliyoyasema yana matatizo ni katika vivuko vya ukaguzi, ambako alisema wapo watu ambao hawalipishwi ushuru kutokana na urafiki wao.
Hivyo alisema wamekubaliana na serikali, kubadilisha uongozi wa TFS ili kupata watu wengine, watakaoweza kusimamia vyema mapato ya serikali na rasilimali za misitu.
Nyani (tumbili)
Katika tukio lingine, Profesa Maghembe alisema juzi usiku kwenye Uwanja wa Ndege wa Kimataifa wa Kilimanjaro (KIA), wamekamata watu wakitaka kusafirisha nyani ‘Velvety Monkey’ 61 kwenda nje ya nchi kwa kutumia ndege ya mizigo ya kukodi kutoka Afrika Kusini.
Alisema watu hao kutoka Ulaya Mashariki na washirika wao wa hapa nchini, walikodisha ndege ili kuwaondoa tumbili hao kwenda Ulaya Mashariki. Alisema harakati za kukamata tumbili hao porini zilianza wiki iliyopita na jumla ya idadi yao ni 450 ilhali kuna taasisi zinazolinda hayo mapori bila walinzi wa mapori hayo kujua.
Maghembe alisema tumbili hao walikamatwa kutoka Upare, Hanang, Manyara na Mlima Kilimanjaro na aliwaita wasimamizi na kuwapa taarifa juu ya watu hao, wanaokamata tumbili porini.
“Nikiwa Moshi katika Ofisi ya Mkuu wa Mkoa nilimuita Mkurugenzi Msaidizi Idara ya Wanyamapori Matumizi Endelevu, Dk Charles Mulokozi na kumuarifu juu ya kamata kamata hiyo na kumuagiza kutotoa kibali cha kusafirisha wanyama ili tuwakamate watu hao, lakini baadaye tukagundua yeye ndio amesaini kibali hicho kutoka Dar es Salaam,” alisema Maghembe.
Alisema watu hao hawakufuata taratibu, kwani hawakuwa na kibali cha kukamata wanyama hao na ofisi yake ina taarifa za kutokuwepo mtu aliyeomba kukamata.
Alimtaka Katibu Mkuu, Meja Jenerali Gaudence Milanzi kufanya uchunguzi wa kina tangu kukamatwa kwa twiga waliokuwa wakisafirishwa nje na waangalie wanaotoa vibali hivyo na wanaohusika na biashara ya wanyamapori.
Polisi yazungumza
Kwa upande wake, Polisi mkoani Kilimanjaro imesema imewakamata watu wawili raia wa Uholanzi kwa tuhuma za kusafirisha wanyamapori aina ya tumbili kupitia KIA; anaandika Arnold Swai kutoka Moshi.
Kamanda wa Polisi mkoani Kilimanjaro, Wilbroad Mutafungwa alisema watu hao walikamatwa Machi 23, saa moja jioni, wakiwa katika uwanja wa Kia tayari kuwasafirisha wanyama hao.
Kamanda Mutafungwa alisema wanyama hao walikuwa 61 ambao walikuwa kwenye masanduku sita ya mbao na walikuwa wakisafirishwa kwenda Armenia kwa kutumia Kampuni ya Arusha Fright Limited. Alisema wanyama hao walikamatwa eneo la mizigo la CAGO na walikuwa wasafirishwe kwa ndege binafsi yenye namba EW/36 4G.
Aliwataja watuhumiwa waliokamatwa ni Artem Vardanian (52) mwenye hati ya kusafiria namba NWF8CKJR8 na Edward Vardanian (46) mwenye hati ya kusafiria namba NY969P96, wote wakiwa ni raia wa Uholanzi.
Alisema watuhumiwa wanashikiliwa katika Kituo cha Polisi KIA na wanyama wamehifadhiwa na uchunguzi unaendelea kufanyika kwa kushirikiana na Wizara ya Maliasili na Utalii.

Magufuli apiga ‘marufuku’ mitambo ya kukodi

RAIS John Magufuli ametaka Shirika la Umeme Tanzania ( Tanesco) kuachana na miradi ya mitambo ya kukodi na kutosikia kuna mapendekezo ya kutaka kuongeza mkataba.
Amewataka watendaji wa shirika hilo kuondokana moja kwa moja na wazo la kufa kwa kuwasisitiza kwamba life mawazoni mwao huku akimhadharisha Waziri mwenye dhamana kwamba mtendaji atakayemshauri juu ya hilo, hafai, ikiwezekana amuondoe wizarani. Magufuli alisema hayo jana wakati akiweka jiwe la msingi la ujenzi wa kituo cha kufua umeme cha Kinyerezi II , jijini Dar es Salaam.
Alisema ipo mikataba mingi aliyoiita ya hovyo na kusisitiza kwamba Watanzania wamechoka na miradi ya hovyo ambayo kila siku imekuwa ikizaa matatizo. “Niwaombe Tanesco katika siku za usoni muachane na miradi ya kukodisha mitambo ya umeme na matumaini yangu sitasikia tena mnaleta mapendekezo kwamba mnataka kuongeza mkataba au tunataka kukodi,” alisema.
Akimsisitiza Waziri wa Nishati na Madini, Profesa Sospeter Muhongo kusimamia hilo, alisisitiza, “suala la kukodi likafe kabisa; na hayo mawazo nayo yakafe; kuwe na mawazo ya kujenga mitambo yetu.” Alisema lazima kuachana na umeme wa kukodisha usio na uhakika au wa kutumia watu. Alisema ndiyo maana kumekuwa na matatizo mengi kama ya IPTL .
Awafagilia Muhongo, Makonda Rais Magufuli ambaye ameeleza kufurahishwa na Wizara ya Nishati na Madini, aliitaka iende na kasi kubwa zaidi kwa kuachana na mitambo ya kukodi. Alisema nchi imechoka kufanyishwa biashara na wawekezaji aliowaita wa ajabu, kwa kulipia ‘capacity charge’ na bei za ajabu huku wakiumiza wananchi kwa bei juu. “Wizara endeleeni kujipanga vizuri kwa spidi ya hapa kazi tu na ndiyo maana niliamua kumrudisha Profesa Muhongo.
Na wakati mwingine vitu vizuri vinapigwa vita, hata Makonda (Paul-Mkuu wa Mkoa wa Dar es Salaam) alikuwa anapigwa vita, nikaona mbaya wao nimrudishe hapa kwani kila nikisali naona Makonda anabaki hapa hapa,” alisema. Alisema hachagui mwanasiasa bali mchapakazi kwani maendeleo hayahitaji siasa. Alisema kila mmoja anahitaji maendeleo na ndiyo maana alichagua wachapa kazi.
Bwawa la Mtera Aidha aliwaambia Tanesco kwamba kutokana na mvua za mafuriko zilizotokea mkoani Iringa hivi karibuni, hatarajii kupewa taarifa za kupungua kwa maji kwenye bwawa la Mtera. “Kama mna mtindo la kufungulia maji na kusema maji ya Mtera hayatoshi kuzalisha umeme wakati tumeshuhudia watu wanapelekwa na maji, sitawaelewa,” alisema.
“Mkurugenzi (Felchesmi Mramba) sitakuelewa, Waziri (Muhongo) sitakuelewa na hata Katibu Mkuu (Profesa Justin Ntalikwa) sitakuelewa,”alisema Rais Magufuli. Alisema watakapoachia maji yakaondoka, wahakikishe umeme haupungui hata siku moja. Alisema ni lazima kuwaambia ukweli na kueleza kwamba anajua wamemwelewa. Alisema haiwezekani kuendelea kuwa masikini wakati wasomi wapo na wizara nzima ikiwa ina viongozi maprofesa.
Anayenikwamisha, atakwama Alisema serikali yake itafanya kazi kwani wananchi walimchagua bure bila kuwahonga kwa lengo la kuondoa kero. Alihakikishia umma wa watanzania kuwa amejipanga kufanya kazi na anayetaka kumkwamisha, atakwama yeye na kuondoka siku hiyohiyo. Aliwataka wananchi kusaidia serikali kwenda mbele kwa kufanya kazi na kuwapuuza wanaotaka kuchelewesha maendeleo.
Alisema upatikanaji wa umeme ni kipimo cha maendeleo ya nchi, hivyo bila kuwepo umeme wa uhakika ndoto ya kujenga uchumi wa viwanda haitakamilika. “Umeme ukiwepo, ndoto itakamilika na kujenga ajira kwa Watanzania,” alisema. Uzalishaji umeme Alisema uwezo wa nchi kuzalisha umeme ni megawati 1,200 hadi 1,500 kwa mwaka.
Alisema sasa uzalishaji umefikia megawati 1026 na kila Mtanzania anatumia wastani wa watt 30 kwa mwaka kiasi ambacho kiko chini licha ya kuwa na vyanzo vingi vya kuzalisha umeme. Alisema ikilinganishwa na nchi nyingine hususani Kenya, kila Mkenya anatumia watt 40, China watt 490 kwa mwaka, Afrika Kusini 500, Marekani watt 1,683.
Magufuli alisema kuweka jiwe hilo la msingi ni hatua nzuri kwani mradi utapunguza kwa kiwango kikubwa tatizo la umeme. Alisema ndiyo maana baada ya kuingia serikalini na kukusanya mapato alihakikisha analipa dola milioni 120 ambazo ni asilimia 15 ya gharama za mradi zilizotakiwa kulipwa na serikali. Alisema katika gharama zote za dola za Marekani milioni 344, serikali ya Japan inatoa asilimia 85 ya gharama hiyo lakini Tanzania ilikaa miaka miwili kupata fedha hizo.
Alisema pia mtambo wa Kinyerezi I wenye uwezo wa kuzalisha megawati 150 unaweza kuongeza na kufikia megawati 335 na mkandarasi anahitaji dola milioni 20 kuendeleza ujenzi na kuahidi kuzitafuta mwezi huu na kuanza ujenzi. Alitaka kampuni inayojenga mradi wa Kinyerezi II kumaliza mapema kama ilivyopangwa kwa ubora unaotakiwa kwa heshima ya fedha.
Akizungumzia ulipwaji fidia kwa wakazi wa Kinyerezi wanaodai Sh bilioni mbili, alisema atawapelekea fedha na kulipwa kwa mujibu wa sheria. Alitaka waliolipwa wasifanye ujanja kwa kuwa hakuna fedha za bure. Alisema mradi huo upo maeneo ya Kinyerezi ambako vijana na akinamama wanapaswa kupewa nafasi ya kupewa ajira.
Aliwataka wakipata ajira hizo wasiibe vifaa vya kazi kwani mradi ni wa Watanzania wote kwa kuwa wakiiba, itakuwa chanzo cha kuchelewesha mradi. “Ni vema kufanya kazi kwa ua minifu ili kuwanufaisha Watanzania wote kwani inatakiwa Tanzania mpya yenye maendeleo,” alisema. Aliwaeleza wakazi wa Kinyerezi kuwa katika mradi huo pia watajenga kituo cha polisi kwa ajili ya usalama wa raia.
Aliwashukuru wadau wa maendeleo kwa misaada yao na kuwathibitishia kuwa wataendelea kutoa ushirikiano na kuwahakikishia wadau wa maendeleo kuwa fedha walizotoa zitatumika kwa uangalifu bila kufuja na kupeleka panapotakiwa na kujenga nidhamu ya matumizi bora ya fedha. Umiliki Kinyerezi II Waziri Muhongo alisema mradi wa Kinyerezi II unamilikiwa na serikali kwa asilimia 100.
Serikali ya Japan imetoa Dola za Marekani milioni 292 ambao ni mkopo wa masharti nafuu na serikali imetoa dola za Marekani milioni 52 hivyo kutumia Dola milioni 344 sawa na Sh bilioni 740. Alisema tangu Rais Magufuli aingie madarakani, hali ya umeme imezidi kuimarika na kufikia megawati 1,000 ambazo hazijafikiwa ndani ya miaka mitano na kwa jana ilikuwa megawati 1,025 za mahitaji.
Alisema baada ya ujenzi wa mradi huo, utafuata wa Kinyerezi III wa megawati 600 na Kinyerezi IV megawati 330 na baadaye kuhamia mikoa mingine. Umeme wa mvuke Mkurugenzi Mtendaji wa Shirika la Umeme Tanzania (TANESCO), Mramba alisema mtambo huo wa Kinyerzi II ni wa kwanza kutumia teknolojia ya ‘combined cycle’ ambao umeme utazalishwa kwa gesi na pia kutumia mvuke.
Mradi huo utakuwa na mitambo sita ya Hitachi-25 itakayozalisha megawati 160 kutokana na gesi na mitambo miwili ya mvuke itakayozalisha megawati 80 na kufanya uzalishaji wa megawati 240. Alisema mitambo hiyo inatengenezwa na kampuni ya Hitachi ya Japan na itafungwa na mkandarasi wa Kampuni ya Sumitono ya nchini humo ikiwa ya kisasa yenye uwezo wa kuzalisha umeme kwa zaidi ya miaka 20 ijayo

RAIS WA VIETNAM, MHE. TRUONG TAN SANG AKARIBISHWA IKULU, JIJINI DAR LEO

Rais wa Jamhuri ya Muungano wa Tanzania, Mhe. John Pombe Joseph Magufuli wa pili 

kushoto) akimkaribisha mgeni wake Rais wa Vietnam, Mhe. Truong Tan Sang Ikulu Jijini

Dar es Salaam 9 Machi,pia walikuwemo viongozi wa serikali wengine kama Waziri mkuu 

 Mhe.Kassim Majaliwa Majaliwa na Makamu wa Rais wa Jamhuri ya Muungano wa Tanzania.

Raisi Magufuli Amtembelea Maalim Seif

Raisi Magufuli Amtembelea Maalim Seif katika Hoteli ya Serena kwa ajili ya kumjuilia hali yake.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akisalimiana na Katibu Mkuu wa Chama Cha Wananchi CUF ambaye pia ni Makamu wa kwanza wa Rais wa Zanzibar Maalim Seif Shariff Hamad jijini Dar es Salaam. Maalim Seif aliruhusiwa kutoka hospitalini jana na hali yake inaendelea vizuri

Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza na Katibu Mkuu wa Chama Cha Wananchi CUF ambaye pia ni Makamu wa kwanza wa Rais wa Zanzibar Maalim Seif Shariff Hamad jijini Dar es Salaam. Maalim Seif amemshukuru Rais Dkt. Magufuli kwa kumjulia hali  na kusema kuwa hali yake ya kiafya inaimarika siku baada ya siku.

 

DKT. JOHN MAGUFULI AMUAPISHA MHE. BALOZI ENG. JOHN WILLIAM KIJAZI KUWA KATIBU MKUU KIONGOZI

 Rais wa Jamhuri ya Muungano wa Tanzania Dkt. John Pombe Magufuli akimuapisha Balozi Eng. John William Herbert Kijazi kuwa Katibu Mkuu Kiongozi Ikulu jijini Dar es Salaam. Balozi Kijazi anachukua nafasi ya Balozi Ombeni Sefue ambaye atapangiwa kazi nyingine.

 

 

 

 

RAIS wa Jamhuri ya Muungano wa Tanzania Dkt. John Pombe Magufuli amemuapisha Balozi Mhandisi John William Kijazi kuwa Katibu Mkuu Kiongozi.

Hafla ya kuapishwa Balozi Kijazi imehudhuriwa na viongozi mbalimbali wakiwemo Makamu wa Rais Mheshimiwa Samia Suluhu Hassan, Waziri Mkuu Mheshimiwa Kassim Majaliwa, Wakuu wa vyombo vya Ulinzi na Usalama, Makatibu wakuu na Naibu Katibu Wakuu.

Balozi Kijazi ambaye kabla ya kuteuliwa kuwa Katibu Mkuu Kiongozi alikuwa Balozi wa Tanzania nchini India, anachukua nafasi ya Balozi Ombeni Sefue ambaye atapangiwa kazi nyingine.

Wakati huo huo, Rais wa Jamhuri ya Muungano wa Tanzania Dkt. John  Pombe Magufuli ameagana na Mwakilishi wa Shirika la Umoja wa Mataifa la kuhudumia wakimbizi (UNHCR) anayemaliza muda wake Bi. Joyce Mends-Cole Ikulu Jijini Dar es Salaam, ambapo pamoja na mambo mengine amemshukuru kwa kazi kubwa ya kuhudumia wakimbizi kwa kipindi chote alichokuwepo hapa nchini.

Kwa upande wake Bi. Joyce Mends-Cole amempongeza Rais Magufuli kwa kazi nzuri inayofanywa na Tanzania kuzisaidia nchi zenye matatizo, hususani migogoro ya kisiasa ambayo husababisha watu wake kuwa wakimbizi.

Pia amepongeza kuteuliwa kwa Rais Mstaafu wa awamu ya Tatu Mheshimiwa Benjamin William Mkapa, kusaidia usuluhishi wa mgogoro wa Burundi ambao umesababisha idadi kubwa ya wakimbizi kukimbilia Tanzania.

Hata hivyo amesema idadi ya wakimbizi wanaokimbilia Tanzania imepungua kutoka wakimbizi 3,000 waliokuwa wakiingia hapa nchini kwa wiki, wakati Mgogoro wa Burundi ulipoanza hadi kufikia wakimbizi takribani 1,000 wanaingia hapa nchini kwa wiki hivi sasa.

Aidha, Bi. Joyce Mends-Cole amewashukuru Watanzania kwa ushirikiano alioupata kwa kipindi cha miaka mitatu aliyofanya kazi hapa nchini, na ameahidi kuwa Balozi wa kuitangaza vyema Tanzania.

 

Gerson Msigwa.

Kaimu Mkurugenzi wa Mawasiliano, IKULU

Dar es salaam

07 Machi, 2016

 

Google Car Stubs Toe

One of Google's self-driving cars kissed a bus on Valentine's day, marking the first accident in which the one of the company's autonomous vehicles was at least partly at fault.

Possibly too smart for its own good, the self-driving car was attempting to reenter its previous lane when it contacted a municipal bus.
The car had pulled over in preparation for a right turn, but came to a stop when it detected sandbags near a storm drain at the intersection, according to Google.
The reason the car pulled to the side before making the right hand turn is that it's what a human driver would do.
Google was testing a software update that would empower its autonomous vehicles to make such a maneuver, in order to give vehicles behind it the space and opportunity to pass an automobile that was preparing to make a turn.
The car navigated back into the roadway under the assumption that the bus, traveling in the same direction, had enough time to yield to it and would do so. However, that wasn't the case.
Traveling at under 2 mph, the Google car hit the passing bus, which was traveling at 15 mph. The California DMV estimated that the bus driver had about 3 seconds to respond to the car's reentry attempt.

The Case for Turning Over the Wheel

In the other collisions involving Google's driverless cars, only humans were at fault. This time, the car was operating in autonomous mode.
The impact of the collision may be much more severe than the damage the driverless car suffered to its front-left fender, front-left wheel and one of its sensors. The accident is a hit to the reputation of driverless vehicles.
The average consumer typically hears about driverless cars only when the vehicles have been involved in collisions, which hasn't done much for the technology's reputation, said Jack Nerad, executive market analyst for Kelley Blue Book.
"There is also the issue of control," he told TechNewsWorld.
Many people believe their driving skills are better than others' are, Nerad said. "Thus, many folks would prefer to do it themselves versus letting an unknown machine take over. We've all experienced computer crashes, but a computer crash in an autonomous car could lead to a genuine life-threatening crash."
In a driverless near future, things would have played out a little differently than the test car crash. Had both the bus and car been manned by machines, it would have made fault-finding a lot easier, suggested Charles King, principal analyst for Pund-IT.
"It also brings up issues of liability and possible punishment fit for a TV sitcom," King told TechNewsWorld. "Who made the arrest? Robocop on traffic detail? What would a jury of peers consist of? Laptops, smartphones and tablets? If the accused is Android based, would it be fair for the judge to be an iPad?"

More Than Human

The common feeling among drivers that their skills are superior to those of other drivers may play a large role in the public's attitude toward driverless vehicles.
"Safer operation is a selling point, but what is not generally reported is that autonomously driven vehicles will still be involved in collisions," Kelley's Nerad said. "Assessing fault will be an issue on those occasions, and that is just one of many issues that stand in the path of autonomous vehicle adoption."
The journey, deep into uncharted territory, has yielded new insights into the art of driving and has helped engineers emulate some of the behaviors that make human drivers so efficient -- when they aren't clogging up a city's arteries behind a traffic incident.
An exploration of those behaviors led to the right-turn procedure that the driverless car attempted when it pulled out in front of that bus. However, it's reasonable to expect that not every tactic tested will succeed without a stumble.
"Those of us who drive in urban traffic every day know that expecting a transit bus to yield even when the law says it should is expecting too much," said Nerad.
Further, "on top of the inane superiority complex in human drivers, there has been, historically, a fear of machines that 'display or achieve human-like qualities,'" King pointed out.
"The HAL computer is a classic example, but there are hundreds of others," he noted.
"A common attitude or conceit is that whatever the case, a person will always be a better, wiser and more empathetic decision maker," King said. "That applies to complex moral issues but can also relate to physical actions -- including driving."

Kampuni za simu nchini zapigwa faini ya mamilioni

MAMLAKA ya Mawasiliano Tanzania (TCRA) imetoza kampuni tano za simu za mkononi, faini ya Sh milioni 112.5 kutokana na kushindwa kutekeleza masharti na vigezo vya ubora wa huduma.
Ingawa haikuelezwa moja kwa moja vigezo vya ubora wa huduma walivyokiuka, TCRA imezungumzia malalamiko ya wateja ya kukatwa fedha na kampuni bila kupiga simu, na kukiri kukithiri kwa tatizo hilo. Ilisema wanatarajia kufunga mtambo utakaokuwa ukifuatilia bando katika simu za wateja, kukabili tatizo husika.
Kampuni zilizoadhibiwa kwa kukiuka Kanuni ya Ubora wa Huduma za Sheria ya Mawasiliano ya Kielektroniki na Posta za mwaka 2011, ni Airtel Tanzania Limited, Benson Informatics Limited (Smart), MIC Tanzania Limited (Tigo), Vodacom Tanzania Limited na Zanzibar Telecom Limited (Zantel).
Akizungumza jana na waandishi wa habari, Mkurugenzi Mkuu wa TCRA, Dk Ally Simba alisema TCRA imebaini kampuni hizo hazitoi huduma bora. Ilibaini hilo baada ya kutathmini ubora wa huduma za mawasiliano (Sauti na data) zinazotolewa na kampuni hizo. Tathmini ililenga kupata uhalisia wanaoupata watumiaji wa huduma hizo.
“Kwa kuzingatia makampuni hayo kukubali kutotimiza vigezo vya ubora wa huduma wanazotoa na kuahidi kuboresha, Mamlaka imetoa adhabu kwa mujibu wa kanuni za ubora wa huduma kama ilivyoainishwa katika Kanuni 15 ya Kanuni ya Ubora wa Huduma,” alisema.
Alitaja kampuni na faini (kwa shilingi) wanazotakiwa kulipa ndani ya mwezi mmoja ni Airtel (Sh milioni 22.5), Benson Informatics Limited(Sh milioni 12.5), Tigo (Sh milioni 25), Vodacom (Sh milioni 27.5) na Zantel (Shmilioni 25).
“Endapo makampuni hayo yatashindwa kutoa faini hizo katika muda waliotakiwa kutoa au makosa hayo kujirudia rudia, watachukuliwa hatua kali zaidi, ikiwa ni pamoja na kufutiwa leseni,” alisema.
Dk Simba aliwasisitiza watoa huduma za simu za mikononi, kuhakikisha huduma hizo zinazingatia vigezo vilivyoainishwa kupitia Kanuni za Ubora wa Huduma na kuboresha huduma hizo katika kipindi cha miezi sita. Alisema mamlaka itaendelea kufanya uchunguzi wa ubora wa huduma za simu sehemu mbalimbali nchini, kila baada ya miezi mitatu.

EWURA imetangaza kushuka kwa bei ya mafuta nchini

MAMLAKA ya Udhibiti wa Huduma za Nishati na Maji (EWURA) imetangaza kushuka kwa bei ya mafuta nchini kuanzia kesho Machi 2, 2016.

Akizungumza katika mkutano na waandishi wa habari ofisini kwake Dar es Salaam leo mchana, Mkurugenzi Mkuu wa  (EWURA), Felix Ngamlagosi alisema bei ya Petroli imeshuka sh. 31 kwa lita sawa na asilimia 1.70, Dizeli sh. 114 kwa lita sawa na asilimia 7.10 na mafuta ya taa kwa sh. 234 kwa lita sawa na asilimia 13.75 ikilinganishwa na mwezi uliopita.

Alisema hapa nchini kwa sasa Petroli itauzwa Sh. 1,811, Dizeli sh. 1,486 na mafuta ya taa sh. 1,465.

Alisema kupungua kwa bei hizo kwa soko la ndani  kumetokana na kuendelea kushuka kwa bei za mafuta katika soko la dunia.

Hata hivyo alisema hakutakuwa na mabadiliko yeyote ya bei ya petroli na dizeli kwa mkoa wa Tanga kwa mwezi huu na kwamba hiyo imetokana na kutopokea mafuta mapya kupitia Bandari ya mkoa huo katika kipindi cha Februari mwaka huu.

"Mamlaka inapenda kuujulisha umma kuwa bei hizi kikomo za mafuta kwa eneo husika zinapatikana vilevile kupitia upigaji wa simu ya mkononi kwa mitandao yote kwenda  namba  *152*00# na kisha kufuata maelekezo.

Aliongeza kuwa kwa mujibu wa sheria ya mafuta ya mwaka 2015, bei za bidhaa za mafuta zitaendelea kupangwa na soko hivyo Ewura itaendelea kutoa taarifa za bei kikomi lengo likiwa ni kuwasaidia wadau kufanya maamuzi stahiki kuhusu manunuzi ya bidhaa hiyo.

Aidha amevitaka vituo vyote vya mafuta nchini na kuchapisha bei za bidhaa za mafuta katika mabango yanayonekana bayana na yakionesha bei ya mafuta, punguzo, vivutio vya biashara au promosheni zinazotolewa na kituo husika.

Alisema wateja wanashauriwa kununua bidhaa za mafuta kutoka kwenye vituo vinavyouza mafuta kwa bei ndogo zaidi ili kushamirisha ushindani. Ni kosa kuuza mafuta bila kuweka mabango ya bei inayoonekana vizuri kwa wateja na adhabu itatolewa kwa kituo husika.

Alibainisha kuwa wanunuzi wanashauriwa kuhakikisha kuwa wanapata stakabadhi ya malipo inayoonesha jina la kituo, tarehe, aina ya mafuta kwa lita na kwamba stakabadhi ya malipo itatumika kama kidhibiti cha mnunuzi wa mafuta endapo kutajitokeza malalamiko ya ama kuuziwa mafuta kwa bei ya juu kuliko bei kikomo, au yenye kiwango cha ubora kisichofaa.