MAtokeo ya Michezo ya raundi ya pili ya kusaka tiketi ya kushiriki Kombe la Dunia

Matokeo ya Michezo ya raundi ya pili ya kusaka tiketi ya kushiriki Kombe la Dunia

Matokeo  ya mechi zilizochezwa Jumanne ni kama ifuatavyo:
Cameroon 0-0 Niger (Jumla 3-0)
Congo 2-1 Ethiopia (Jumla 6-4)
Nigeria 2-0 Swaziland (Jumla 2-0)
Ghana 2-0 Comoro (Jumla 2-0)
Misri 4-0 Chad (Jumla 4-1)
Ivory Coast 3-0 Liberia (Jumla 4-0)
Tunisia 2-1 Mauritania (Jumla 4-2)
Afrika Kusini 1-0 Angola (Jumla 4-1)
Burkina Faso 2-0 Benin (Jumla 3-2)
Senegal 3-0 Madagascar (Jumla 5-2)
Mali 2-0 Botswana (Jumla 3-2)
Tanzania 0-7 Algeria(jumla 2-9)
Kenya 0-2 Cape Verde(jumla 1-2)

DOWNLOAD INTRODUCTION TO COMPUTER

DOWNLOAD INTRODUCTION TO COMPUTER



Introduction to computer

Taarifa..

TAARIFA KWA VYOMBO VYA HABARI

 
Rais wa Jamhuri ya Muungano wa
Tanzania Dkt John Pombe Magufuli leo
asubuhi katika Ikulu ya Dar es Salaam
amefanya kikao na Makatibu wakuu,
Manaibu Makatibu wakuu, Gavana wa
Benki Kuu Prof. Benno Ndulu na Kamishna
Mkuu wa Mamlaka ya Mapato Tanzania
(TRA) ili kutoa uelekeo wa Serikali
anayoitaka mara baada ya kuapishwa.
“Nataka Serikali iendelee kwa nguvu zote
na katika kutekeleza dhana ya ‘HAPA KAZI
TU’ na viongozi kuzingatia na kukumbuka
ahadi nilizotoa ili zianze kuonekana na
kufanyiwa kazi mara moja” Rais Magufuli
amesema.
Katika Kikao chake, Rais ametoa
mwongozo na kusisitizia kuwa ni lazima
kila mtendaji Serikalini kuuzingatia,
kufuata sheria na taratibu ili taifa lisonge
mbele kwa ufanisi zaidi.
Katika kikao hicho Rais ameelekeza
mambo kadhaa ambayo watendaji hao
wanapaswa kuyasimamia, kuyawekea
mikakati na kuyapanga vizuri ili atakapo
teua Baraza lake la Mawaziri mambo hayo
yawe tayari ili Mawaziri watakaoteuliwa
waweze kuyasimamia bila kukosa.
Mambo hayo muhimu ni kama ifuatavyo:
Kuanzia mwezi Januari mwaka 2016,
wanafunzi wote wanaoanza shule
watasoma bure bila kulipa ada, Katika
jambo hili, Rais amewataka watendaji
kuanza kuliwekea mikakati tayari kwa
utekelezaji
Suala la mikopo ya wanafunzi nalo
lifanyiwe kazi na mipango yake ikamilike
kwa ajili ya utekelezaji mzuri zaidi
Amefuta safari zote za nje ya nchi kuanzia
leo hadi hapo atakapolitolea suala hilo
maamuzi mengine na kueleza kuwa
shughuli zote zinazotakiwa kufanywa nje
ya nchi zifanywe na kusimamiwa na
mabalozi wa Tanzania wanaowakilisha nchi
huko nje.
Pengine patokee jambo la dharura sana
na hata hilo lazima kibali kitolewe na Rais
au Katibu Mkuu Kiongozi. Badala yake
Rais amewataka watendaji hao kufanya
zaidi ziara za kwenda vijijini ili kuzijua na
kutatua kero za wananchi wa Tanzania.
Katika Kikao hicho, Rais amemtaka
Kamishna wa TRA, Ndugu Rished Bade
kusimamia kwa makini zoezi la ukusanyaji
wa mapato nchini na kuhakikisha kero
ndogo ndogo kwa wananchi lianze
kutekelezwa kama alivyo ahidi kwa
kufanyiwa kazi mapema zaidi.
Rais ameitaka TRA kukusanya mapato
hayo kutoka kwa wafanya biashara
wakubwa zaidi na wale wanaokwepa kodi
bila kuogopa mtu wala taasisi yoyote hapa
Tanzania na kusisitiza kuwa katika Serikali
hii wa kutoa maamuzi vinginevyo zaidi ya
haya ni yeye Rais ama Makamu wake.
Rais Magufuli pia ameagiza usimamizi
katika suala la manunuzi ambalo limekuwa
likitumika vibaya na kuwa mwanya wa
kuibia Serikali kwa watu kuongeza bei ya
vitu hata kama ni vya bei ndogo kabisa
katika jamii.
“Ikitokea suala hilo likagundulika kwa
watu kuongeza bei ya vitu, watendaji
watawajibishwa mara moja”. Rais
amesema, na kuwataka watendaji hao
kufanya kazi zao kwa kuzingatia Sheria na
taratibu zilizopo na kuzingatia maadili
mema ya kazi.
………………………MWISHO……………………
Imetolewa na Premi Kibanga,
Mwandishi wa Habari wa Rais, Msaidizi
Ikulu,
DAR ES SALAAM.
7 Novemba, 2015 

Dkt.Magufuri aapisha rasmi jana

MHESHIMIWA Dkt John Pombe Joseph Magufuli ameapishwa kuwa Rais wa Serikali ya Awamu ya Tano wa Jamhuri ya Muungano ya Tanzania kwa kipindi cha miaka mitano ijayo.

Sherehe ya kuapishwa kwake imehudhuriwa na viongozi mbalimbali wa ndani na nje ya Tanzania. Sambamba na kuapishwa Rais Magufuli, Makamu wa Rais wa Jamhuri ya Muungano wa Tanzania Samia Suluhus Hassan pia ameapishwa.

Warais watakaokuja kwenye sherehe ya kuapisha JPM

MARAIS wanane wa Afrika ni miongoni mwa viongozi mbalimbali kutoka nje ya nchi, watakaohudhuria sherehe za kuapishwa kwa Rais wa Awamu ya Tano wa Tanzania, Dk John Pombe Magufuli.
Rais Mteule wa Jamhuri ya Muungano wa Tanzania, Dk Magufuli ataapishwa rasmi kuwa Rais wa Awamu ya Tano kesho kwenye Uwanja wa Uhuru, Dar es Salaam. Dk Magufuli (56) alitangazwa mshindi wa Uchaguzi Mkuu wa Oktoba 25, mwaka huu, baada ya kupata kura 8,882,935, sawa na asilimia 58.46 ya kura halali zilizopigwa, hivyo kumrithi Rais Jakaya Kikwete katika Ikulu ya Magogoni, ambayo tayari imeshakaliwa na marais wengine wanne.
Kwa mujibu wa taarifa ya Wizara ya Mambo ya Nje na Ushirikiano wa Kimataifa iliyotolewa jana Dar es Salaam, sherehe za uapisho zitahudhuriwa na Wakuu wa Nchi na Serikali kutoka mataifa mbalimbali, Wakuu wa Mashirika ya Kimataifa na Kikanda na Wawakilishi mbalimbali kutoka nje ya nchi. Iliwataja miongoni mwa marais watakaohudhuria sherehe hizo ni Rais Robert Mugabe wa Zimbabwe, Rais Yoweri Museveni wa Uganda, Rais Paul Kagame wa Rwanda na Rais Jacob Zuma wa Afrika Kusini.
Wengine ni Rais Joseph Kabila wa Jamhuri ya Kidemokrasia ya Congo (DRC), Rais Uhuru Kenyatta wa Kenya, Rais Filipe Nyusi wa Msumbiji na Rais Edgar Lungu wa Zambia. Taarifa ya Mambo ya Nje ilieleza kuwa Malawi itawakilishwa na Makamu wa Rais, Saulos Chilima wakati Namibia itawakilishwa na Naibu Waziri Mkuu ambaye pia ni Waziri wa Mambo ya Nje, Netumbo Nandi-Ndaitwah. Aidha, Serikali ya China itawakilishwa na Makamu Mwenyekiti wa Chama Tawala.
“Vilevile nchi nyingine ambazo zimethibitisha kushiriki na zitawakilishwa na kati ya Makamu wa Rais, Waziri Mkuu, Spika au Balozi ni pamoja na Burundi, Comoro, Angola, Botswana, Lesotho, Madagascar na Mauritius. “Nyingine ni Norway, Oman, Sudan Kusini, Sweden, Umoja wa Falme za Kiarabu, Marekani, Uingereza, Shelisheli, Swaziland, Algeria, Misri, Benin, Denmark, Ethiopia, Finland, Ufaransa, Ghana, India, Japan, Kuwait, Uholanzi na Nigeria,” ilifafanua taarifa hiyo.
Ilieleza kuwa Wakuu wa Mashirika ya Kimataifa na Kikanda, waliothibitisha kushiriki au kutuma wawakilishi wao ni Umoja wa Mataifa (UN), Umoja wa Afrika (AU), Jumuiya ya Afrika Mashariki (EAC), Jumuiya ya Maendeleo ya Nchi za Kusini mwa Afrika (SADC), Umoja wa Ulaya (EU) na Jumuiya ya Ukanda wa Nchi za Maziwa Makuu (ICGLR).
Wabunge wapya kuwasili Dar Katika hatua nyingine, wabunge wapya waliochaguliwa katika Uchaguzi Mkuu wanatarajiwa kuwasili Dar es Salaam leo kwa ajili ya kuhudhuria sherehe za kuapishwa kwa Rais Mteule, Dk John Magufuli zitakazofanyika kesho.
Akizungumzia kuwasili kwa wabunge hao, Ofisa Habari Mwandamizi wa Bunge, Prosper Minja alisema wabunge hao wanatarajiwa kuwasili leo Dar es Salaam wakiwa na vyeti vyao vya kuteuliwa kuwa wabunge vinavyotolewa na Msimamizi wa Uchaguzi wa eneo husika.
“Tunategemea kesho (leo), wabunge wapya watawasili kwa ajili ya kuhudhuria sherehe ya kuapishwa kwa rais mteule na tunategemea waje na cheti hicho pamoja na kitambulisho kingine kinachomtambulisha,” alisema Minja.
Alisema mara baada ya wabunge hao kuwasili, wanatakiwa kwenda Ukumbi wa Karimjee kwa ajili ya kutambuliwa na kupewa kitambulisho cha siku ya sherehe za kuapishwa kwa Rais Mteule, Dk Magufuli.
Tamko la Jeshi la Polisi Wakati huo huo, Jeshi la Polisi nchini limejipanga kuhakikisha usalama na ulinzi unaimarishwa wakati wa kuelekea sherehe za kumwapisha Rais Mteule, Dk John Magufuli.
Akizungumza jana Dar es Salaam, Kamishna wa Oparesheni na Mafunzo, Makao Mkauu ya Polisi, Paul Chagonja alisema jeshi lake kwa kushirikiana na vyombo vingine vya usalama, litahakikisha kunakuwa na usalama wa raia na mali zao katika kuelekea sherehe za kumuapisha Rais Mteule.
“Niwaombe wananchi kutupa ushirikiano kwa kutoa taarifa kwa Jeshi la Polisi pindi waonapo vishawishi ama vitendo vyovyote vya uvunjifu wa sheria,” alisema Kamishna Chagonja. Aidha, Chagonja aliwataka wananchi kuendelea kuheshimu sheria za nchi na kujiepusha na vitendo vinavyoweza kuhatarisha usalama wa raia na mali zao.
“Jeshi la Polisi linawataka wananchi kote nchini kuendelea kuheshimu sheria za nchi na kujiepusha na vitendo vya aina yoyote ile ambavyo vinaweza kuhatarisha usalama wa raia na mali ikiwemo maandamano yanayopangwa bila kufuata taratibu,” alisema Chagonja na kuongeza: “Jeshi la Polisi halitasita kuchukua hatua kali kwa mtu au kikundi chochote kitakachoonesha viashiria vya uvunjifu wa sheria ama kutaka kuvuruga amani ya nchi yetu.”
Mbali ya kuwashukuru wananchi na wadau waliotoa ushirikiano kuhakikisha amani ya Watanzania inadumu katika kipindi cha uchaguzi na wakati huu wa kuelekea kuapishwa kwa Rais Mteule, alikiri jeshi hilo kuwashikilia watu kadhaa na baadhi yao kufikishwa mahakamani kutokana na kufanya makosa wakati wa uchaguzi.
Bila kutaja idadi, Chagonja alisema, “Ni kweli kuna watu kadhaa tumewakamata kwa makosa mbalimbali wakati wa uchaguzi, kuna wengine wamefikishwa mahakamani, na kuna wengine bado wanashikiliwa kwa mahojiano zaidi na wengine wamewekewa dhamana.” Imeandikwa na Ikunda Eric na Anastazia Anyimike.

Kutangazwa rasmi mshindi wa urais 2015 kutokaa ukumbi wa Diamond Jubilee jijini Dar Es Salaam

Kutangazwa rasmi mshindi wa urais 2015 kutokaa ukumbi wa Diamond Jubilee jijini Dar Es Salaam,mh magufuri amepewa cheti.hafla hiyo iliyojumuisha watu mbalimbali wakiwemo jaji mkuu mstaafu mh warioba..na wasimamizi wa uchaguzi wa nje akiwemo mh rais wa nigeria obasanjo.

Dr. John Pombe Magufuli (CCM) ametangazwa mshindi wa kiti cha Urais Tanzania 2015

Breaking Dr. John Pombe Magufuli (CCM) ametangazwa mshindi wa kiti cha Urais Tanzania 2015, kapata 58%, E. Lowassa 39%

TAARIFA YA CCM KWA VYOMBO VYA HABARI, OKTOBA 28, 2015

TAARIFA YA CCM KWA VYOMBO VYA HABARI, OKTOBA 28, 2015

 
CCM inapenda kutoa taarifa ifuatayo
kwa wana-CCM na kwa umma:
MALALAMIKO YA CCM KUHUSU
MATOKEO KWENYE BAADHI YA
MAJIMBO
Chama cha Mapinduzi hakijaridhishwa
na utaratibu wa kukusanya na
kujumlisha matokeo kwenye baadhi ya
majimbo. Katika majimbo manne
kumekuwa na ukiukwaji mkubwa wa
utaratibu wa uchaguzi, hasa katika
kujumlisha matokeo, uliopelekea
wabunge wa upinzani kutangazwa
washindi. Majimbo hayo ni Iringa
Mjini, Mikumi, Ndanda na Kawe.
Wasimamizi wa uchaguzi katika
majimbo haya wamevuruga uchaguzi.
Kutokana na utata uliokuwa
umejitokeza wakati wa zoezi la
kujumlisha kura, CCM iliomba kura
zihesabiwe upya lakini ikanyimwa haki
hiyo ya msingi ambayo iko kwenye
sheria. Kwenye baadhi ya majimbo,
ikiwemo Nyamagana, wapinzani
walipewa haki ya kura kuhesabiwa
upya. Kwa msingi huo, CCM imeamua
kwenda mahakamani kupinga matokeo
ya uchaguzi katika majimbo haya.
Tunataka sote tujiridhishe kwamba
utashi wa wananchi umeheshimiwa.
Bado tunaendelea kukusanya taarifa
za maeneo mengine kama kulikuwa na
ukiukwaji mkubwa uliobadilisha
matakwa ya wapiga kura. Hata hivyo,
tunakiri kwamba kwenye maeneo
mengi tulikopoteza viti vya Ubunge,
tumepoteza kihalali, hatuna
malalamiko, tunaheshimu maamuzi ya
wananchi, na tutafanya tathmini baada
ya uchaguzi ili tubaini makosa na
kuyarekebisha.
MAONI YA WAANGALIZI WA
UCHAGUZI
CCM imepokea maoni ya awali ya
waangalizi wa uchaguzi. Tumefarijika
kwamba karibu wote wametoa kauli ya
pamoja kwamba uchaguzi huu ulikuwa
wa haki na huru, uliofanyika kwa
uwazi na kwa amani – na kwamba
changamoto zilizojitokeza ni ndogo na
zimetokea katika maeneo machache
kiasi zisingeweza kubadilisha matokeo
ya uchaguzi yanayotangazwa sasa.
Tumepokea mapendekezo waliyoyatoa
kwa wadau mbalimbali kuhusu namna
ya kuboresha mchakato wa uchaguzi
kwa miaka ijayo, na hivyo kuimarisha
demokrasia nchini mwetu. Kwa kauli
za waangalizi hawa, kwamba, kwa jinsi
uchaguzi ulivyoendeshwa, matokeo
yanayotangazwa sasa ni kielelezo
sahihi cha utashi wa Watanzania
kuhusu viongozi wanaowataka.
MALALAMIKO YA UKAWA
Tumesikia malalamiko ya viongozi wa
UKAWA kupitia mkutano wao na
waandishi wa habari jana.
Tumeshangazwa na kauli kwamba
hawakubali matokeo ya Urais
yanayotangazwa na Tume. Hata hivyo,
matokeo ya Ubunge wanayakubali na,
kule wanakoshinda,
wanayasheherekea. Tunashangazwa
kwasababu
Tume iliyoandaa uchaguzi wa Rais ni
hiyo hiyo iliyoandaa uchaguzi wa
Wabunge, wasimamizi ni walewale,
vituo ni vilevile, na sheria na taratibu
zilizotumika ni zilezile. Hata fomu ya
matokeo walizosaini wakala wao
kwenye vituo vya kupiga kura,
zimegawanywa katika sehemu
(columns) tatu: Urais, Ubunge na
Udiwani. Mawakala wao walisaini
fomu hizo kwenye vituo vya kupiga
kura. Wameanza kuwa na matatizo na
matokeo haya baada ya kuona
mwelekeo wa kushindwa. Kama
mwelekeo ungekuwa tofauti,
wangekuwa na imani na Tume,
wasimamizi na taratibu zote.
Tunaomba ifike pahala sasa kwamba,
katika kuijenga demokrasia yetu na
kuliimarisha taifa letu, tuanze
utamaduni mpya wa anayeshindwa
kunyanyua simu kumpigia
anayeshinda na kumpongeza. Nafasi
ya mwisho aliyonayo Mgombea wa
UKAWA kuendelea kujijengea heshima
katika jamii yetu, na kuwa
mwanademokrasia, ni kwa kufanya
hivyo siku Dkt. Magufuli
atakapotangazwa mshindi.
Kwetu sisi CCM, kuchagua wagombea
bora na kuwanadi na kutengeneza sera
bora na kuzinadi, pamoja na rekodi
yetu katika uongozi wa nchi, ndio njia
zetu pekee za ushawishi. Katika
uchaguzi huu, wananchi wamefanya
maamuzi yao kwa uhuru na utashi,
ikiwemo kuwaangusha mawaziri sita
ambao tuliwasimamisha kama
wagombea wetu katika majimbo
mbalimbali. Nguvu na utashi wa
wananchi umejidhihirisha katika
uchaguzi huu.
Mchakato wa uchaguzi sasa unakaribia
kufikia ukingoni, tutawapata
madiwani, wabunge na Rais,
tunapaswa kuendelea na maisha na
tuwape nafasi watutumikie. Jitihada
tunazoziona sasa za viongozi wa
UKAWA za kuendeleza siasa za
uchaguzi kwenye mitaa ya miji yetu
kwa njia za vurugu na maandamano
hazikubaliki hata kidogo. Tunalaani
kitendo cha wafuasi wa UKAWA
kuchoma ofisi za CCM katika Wilaya ya
Mbozi.
Amani ya nchi hii ina thamani kuliko
hitaji la madaraka la mtu yoyote.
Wenzetu wa UKAWA wana haki ya
kulalamika lakini hawana haki ya
kuiingiza nchi yetu machafukoni kwa
kuwakusanya vijana na kuwaingiza
mitaani wafanye vurugu na
kuhatarisha maisha, kuharibu mali na
kusimamisha shughuli za watu
wengine.
Tunawaomba Watanzania waendelee
na shughuli zao kama kawaida huku
kila mmoja akitambua wajibu wake wa
kuilinda amani ya nchi yetu.
January Makamba
Mjumbe wa Kamati ya Kampeni ya
CCM
28.10.2015 

Uchaguzi wa Zanzibar wafutwa

Mwenyekiti wa tume ya taifa ya uchaguzi zanzibar (zec) jecha salim jecha ametangaza kufutwa kwa uchaguzi wa wa serikali ya mapinduzi zanzibar kwahiyo uchaguzi utafanyika baada ya siku 90.

Matokeo live saa 13:00 na saa 16:00

Linki za LIVE Tv online kufuatilia matokeo ya kura za Uchaguzi Mkuu 2015

StarTv: http://startvtz.com/startv-live

AzamTv: http://196.41.40.253/flash.html

SimuTvAndroid app: https://play.google.com/store/apps/details?id=com.SIMU.tv

Diamond Platnumz angaraa ...Best Worldwide Act 2015

Diamond Platnumz ameiletea sifa na heshima kubwa Tanzania kwa mara nyingine, kwa kushinda tuzo kubwa ya ‘Best Worldwide Act Africa/India’ kwenye tuzo za MTV Europe Music Awards 2015 zilizotolewa Milan, Italy usiku wa Jumapili Oct.25.Big up Diamond.

Wanafunzi wa vyuo-NEC

 TUME ya taifa ya Uchaguzi sasa imethibitisha
kuwa wanafunzi wa Vyuo vikuu hawatapiga
kura katika uchaguzi mkuu ujao.
Akizungumza katika kipindi cha kikaangoni
kinachorushwa na EATV, jana Emmanuel
Kawishe amesema kuwa wanafunzi hao
hawataweza kupiga kura kuchagua
diwani,mbunge au Rais kwa kuwa sheria
inasema kila mtu atapiga kura pale
alipojiandikishia.
“Sheria ya uchaguzi kifungu cha 61(3)a
kuwa kila aliyejiandikisha atapiga kura
alipojiandikisha” alisema Kawishe.
Aidha amefafanua kuwa vituo vyote vya kupigia
kura vitafunguliwa saa 1 asubuhi na vitafungwa
saa kumi jioni hivyo kuwatahadharisha wapiga
kura wote kuwepo kituoni kabla muda wa
kufunga.
Taarifa ya kutopiga kura kwa wanafunzi wa
vyuo vikuu imekuwa rasmi huku viongozi wa
Wanafunzi vyuo vikuu wakihangaika kupeleka
shauri mahakamani ili serikali ifungue vyuo
kwa wakati na kuwapa wao fursa ya kupiga
kura.
Hii ni mara ya pili kwa Vyuo vikuu kufunguliwa
baada ya Oktoba, kwa mara ya kwanza
ilifanyika vile vile mwaka 2010 kwa kisingizio
cha mikopo ya Elimu ya juu.
Ushahidi kutoka kwa wanafunzi mbalimbali
waliowahi kunufaika na mikopo wanasema
serikali haijawahi kutoa mikopo kwa wakati
licha ya sababu za mara kwa mara kuahirisha
kufungua vyuo wakati wa Uchaguzi.
Mapema mwaka huu, Shirikisho la wanafunzi
wa wanachadema wa Vyuo vikuu (Chaso)
kupitia Kaimu Mratibu wao Wilfred
Mwalusanya aliitaka NEC kueleza utaratibu wa
kuwaandisha wanavyuo ili wakati wa kupiga
kura waweze kushiriki.
Tayari tuhuma zimeanza kutolewa na wadau
mbalimbali kuwa tume imetumiwa na serikali
ya CCM ili kuinusuru sababu wanavyuo
wamehamasika kuelekea uchaguzi mkuu mwaka
huu. 

TAMKO RASMI LA BALOZI JUMA V. MWAPACHU.

TAMKO RASMI LA BALOZI JUMA V. MWAPACHU. NAJIVUA UANACHAMA WA CCM

Ndugu zangu,
Kesho ni siku muhimu katika kalenda ya Taifa
letu. Tunamkumbuka marehemu Baba wa Taifa,
Mwalimu Julius Kambarage Nyerere aliyetutoka
miaka 16 iliyopita. Nadhani ni siku mwafaka
kwangu kufanya maamuzi magumu katika
maisha yangu ambayo yanahusu uanasiasa
wangu. Mimi ni mwanachama wa CCM tangu
mwaka 1967 wakati nilipojiunga na TANU
Youth League. Nimepata fursa ya kuwa
kiongozi ndani ya Chama hiki. Lakini kuanzia
kesho mimi si mwanachama wa CCM tena.
Natoa maelezo yafuatayo:
Kwa kipindi chapata mwezi na nusu hivi sasa
mmekuwa mkisoma makala zangu kuhusu
msimamo na mwelekeo wangu katika masuala
ya siasa za hapa nchini hususan kuhusu
uchaguzi mkuu na mstakabali wa demokrasia
nchini mwetu. Nyote mnatambua kwamba
kuanzia mchakato wa kumpata mgombe wa
Urais ndani ya CCM kule Dodoma, ambako
nilipiga kambi, sijayumba katika msimamo
wangu kwamba Edward Ngoyai Lowassa ndiye
chaguo langu katika kampeni za kumpata Rais
mpya wa Taifa letu.
Chaguo langu si ndoto wala mlipuko wa
mapenzi juu ya Lowassa.
Nimemfahamu Lowassa tangu miaka ya 90
nikiwa cadre wa Chama cha Mapinduzi kwa
mahusisho katika majukumu ya Kic,ssa amejaaliwa nuru na uwezo wa
kuongoza na wa kupendwa na watu. Ni msikivu
pamoja na kwamba ni kiongozi asiyependa
ukiritimba na utovu wa nidhamu, iwe kwa
upande wa watumishi au wananchi wenyewe.
Kubwa kwake ni ucha Mungu wake ambao
unamsaidia sana katika uongozi unaojali na
kuheshimu utu, ukweli na uwazi. Wanaodhani
au kutaharuki kwamba eti anaweza au ana
hulka ya kulipiza kisasi kwa jambo lolote lile ni
waongo; wanajilinda.
Lowassa ni chaguo la wengi na CCM, katika
busara yake ya kumuengua katika mchakato wa
kumpata mgombea wa Urais, kimedhihirisha
kutokuwa Chama kinachoendeshwa kwa misingi
ya demokrasia. Dalili za Chama hiki kupoteza
lengo la kuwa Chama cha watu, na kuwa cha
viongozi wachache zilianza siku nyingi na hasa
katika kipindi cha uongozi wa Mheshimiwa
Jakaya Mrisho Kikwete. CCM kimebadilika na
kuwa Chama cha makundi na migawanyiko
yakupambana, si kwa malengo ya itikadi na
ujenzi wa Chama, bali ya kumalizana na kutaka
kufukuzana.
Lowassa angeweza kufukuzwa miaka mingi tu
iliyopita! Aliweza kushinda vita hivyo kutokana
na kupendwa na wengi ndani ya CCM. Hivyo,
kujitoa kwake uanachama wa CCM hivi karibuni
ni sahihi kabisa kwasababu CCM si Chama tena
cha watu. Kimetekwa. Na mimi nakubaliana na
msimamo wa Lowassa na hao waliyofuata
kutoka nadani ya CCM.
Niliwahi kuandika makala katika ukurasa huu
nikimnukuu mshairi mmoja wa Uingereza
aliyeandika kwamba, ‘there comes a time when
the door opens and allows the future in’.
Mlango huo sasa umefunguka usoni mwangu na
huu uamuzi wangu maana yake ni kukubali
kwamba wakati mpya umewadia; ni wakati wa
mabadiliko. Kuendelea kujihisi kwamba ningali
mwana CCM wa kadi ni kukubali kujidanganya
mwenyewe. Si sawa. Kama marehemu Baba wa
Taifa alivyowahi kusema, ‘CCM si mama yangu’.
Hivyo ndugu zangu, kuanzia kesho mimi si
mwana CCM tena. Nitarejesha rasmi kadi yangu
kupitia ofisi ya CCM ya kata yangu Mikocheni,
Dar-es-Salaam. Kwa sasa sijaamua kujiunga na
Chama kingine.
Mwenyezi Mungu anilinde. 

Bado masaa kadhaa Fainali ya BSS..

FAINALI YA BSS ITAFANYIKA KESHO KWA MUJIBU WA VIONGOZI WA BSS

Madam Ritha akiwatambulisha washiriki.

SHINDANO la kusaka vipaji vya muziki, Bongo Star Search (BSS) linalotarajiwa kufanyika Oktoba 9, limeongeza  zawadi ya mshindi wa shindano hilo  ambapo sasa atajinyakulia shilingi milioni 60,  ambapo shilingi milioni kumi zitapelekwa studio kwa ajili ya kusaidia shughuli za kurekodi.

Akizungumza mbele ya waandishi wa habari,  Jaji Mkuu wa shindano hilo Ritha Paulsen ‘Madam Ritha’, alisema kuwa shindano hilo lina  msisimuko wa kipekee kwa kuwa washiriki wote ni wazuri kiasi majaji wanapata wakati mgumu kumchagua  mshindi.

“Mshindi wa shindano hili ataondoka na sh. milioni 60, katika kinyang’anyiro cha safari hii chenye  msisimko mkubwa hadi hata sisi wenyewe tunapata wakati mgumu kama majaji,” alisema Ritha

Fainali za shindano hilo zinatarajiwa kufanyika Ijumaa Oktoba 9 Mwaka huu  katika Ukumbi wa King Solomon  uliopo eneo la Namanga Kinondoni jijini Dar es Salaam.  Siku hiyo pia kutakuwa na burudani za nguvu kutoka kwa msanii Run Town wa Nigeria ambaye kwa sasa anatamba na wimbo wake wa Gallardo.

“Ukiachia mbali msanii huyo pia kutakuwa na burudani kutoka kwa Christian Bella, Yamoto Bendi, Nevy Kenzo ambao watakamua sambamba na wasanii mahiri ambao ni zao la BSS kama Peter Msechu na Kala Jeremiah.  Viingilio siku hiyo vitakuwa 25,000/=, ambapo nafasi za VIP zitakuwa 50,000/= na viti maalum vitalipiwa 100,000/=.  Nawaomba mashabiki waje kwa wingi maana fainali ya mwaka huu ni ya kipekee kabisa,” alisema Madam Ritha.

Angel kato mshiriki katika fainali ya bss

Frida amani mshiriki wa Fainali ya BSS

Nasibu fonabo mshiriki wa Fainali ya bss

maelfu wajitokeza kumuaga Mchungaji Mtikila

RAIS Jakaya Kikwete ameongoza mamia ya waombolezaji pamoja na viongozi wa kitaifa, katika kumuaga Mwenyekiti wa Chama cha DP, Mchungaji Christopher Mtikila aliyekufa kwa ajali hivi karibuni mkoani Pwani.
Katika shughuli hiyo, viongozi wengi waliohudhuria walimuelezea Mtikila kuwa ni mwanaharakati wa mageuzi, aliyeipigania Tanganyika mpaka kifo chake, lakini pia alisimamia na kuheshimu taratibu za kisheria na kutaka mabadiliko bila uoga.
Rais Kikwete alifika katika shughuli hiyo ya kumuaga Mtikila iliyofanyika jijini Dar es Salaam jana, akiambatana na Makamu wa Rais, Dk Mohammed Gharib Bilal na Waziri wa Ardhi, Nyumba na Maendeleo ya Makazi, William Lukuvi.
Viongozi wengine waliohudhuria shughuli hiyo ni Makamu wa Kwanza wa Rais Zanzibar, Maalim Seif Sharif Hamad ambaye pia ni Katibu Mkuu wa Chama cha Wananchi (CUF), Msajili wa Vyama vya Siasa, Jaji Francis Mutungi, Msajili wa zamani wa vyama hivyo, John Tendwa na Makamu Mwenyekiti wa CCM (Bara), Philip Mangula.
Pia walikuwepo Mwenyekiti wa Baraza la Vyama vya Siasa, Peter Mziray ambaye ni Mwenyekiti wa chama cha PPT-Maendeleo, Makamu Mwenyekiti wa Chadema, Profesa Abdallah Safari na Naibu Katibu Mkuu wa TLP, Dotnata Rwechungura.
Akizungumza katika shughuli hiyo ya kumuaga Mtikila ambaye jeneza lake lilifunikwa kwa bendera ya Tanganyika, Msajili wa Vyama vya Siasa, Mutungi aliwataka watanzania kumuenzi mchungaji huyo kwa matendo yake ya kuchukia vurugu na badala yake aliamini zaidi katika sheria.
“Mchungaji Mtikila atakumbukwa kwa misimamo yake mikali. Alipenda kusimamia kile anachokiamini. Lakini kubwa zaidi alitoa mchango katika nyanja ya Sheria, kwa sasa huwezi kuzungumzia masuala ya sheria hususani haki za binadamu bila kumtaja Mtikila,” alisema Mutungi.
Alisema kupitia sekta ya Sheria, mwanaharakati huyo alifanikisha mabadiliko kadhaa, ikiwemo kuingizwa kwenye Katiba kwa kifungu kinachoruhusu mgombea binafsi, lakini pia alifanikisha kubadilishwa kwa kifungu kinachohusu maandamano.
“Huyu alikuwa ni mpambanaji, alifungua kesi nyingi kwa kuwa aliamini katika kufuata sheria na si kuandamana au kufanya vurugu. Naomba tumuenzi kwa kutopenda kushinikiza fujo na maandamano, vyombo vya sheria vipo kama kuna tatizo tuvitumie kutafuta haki,” alisisitiza.
Kwa upande wake, Dk Bilal alimtaja Mchungaji Mtikila kuwa alikuwa ni mtu jasiri, aliyeshirikiana na wenzake bila kujali tofauti za mitazamo waliyonayo. “Mimi nilimfahamu Mtikila kupitia uanaharakati wake wa kutaka mabadiliko, ni kweli alikuwa anataka sana kuirejesha Tanganyika, lakini pamoja na tofauti za fikra zetu, alikuwa anakuja hadi ofisini kwangu kipindi kile nilikuwa Katibu Mkuu Wizara ya Sayansi, Mawasiliano na Teknolojia na tulikuwa tunazungumza sana,” alisema.
Aliwataka watanzania kuiga mfano wa matendo ya Mtikila, kwani kwa sasa nchi inataka watu kama hao wenye mawazo mapya na hawaogopi kuyatoa na kuyatetea bila kudharau mawazo na fikra za wengine.
Maalim Seif, kwa upande wake, alisema alifahamiana na Mtikila kupitia harakati zake za kisiasa na kubainisha kuwa ni mtu anayejiamini, asiye uoga na mwenye kuajimini na kusimamia kile anachokiamini.
Mziray alisema anaipongeza Serikali kwa kitendo chake cha kushirikiana na familia ya Mtikila kwa hali na mali, bila kujadili kuwa ni mwanaharakati wa mabadiliko, jambo alilosisitiza kuwa hiyo ndio Tanzania inayotakiwa kwa sasa.
Makamu Mwenyekiti wa DP, Peter Mwagila alibainisha kuwa chama hicho kimepata pigo na pengo kubwa kwa kuondokewa na mwenyekiti wao, ambaye pia pamoja na kuwa muasisi wa chama hicho, ni mwanaharakati wa mageuzi aliyepigania nchi yake ya Tanganyika.
“Mtikila ndoto zake zilikuwa ni kurejeshwa kwa Tanganyika ambayo iliondolewa kwenye ramani ya dunia tangu mwaka 1962, alitaka kuwepo na Rais wa Tanganyika, Katiba, wabunge na mamlaka zote za nchi ya Tanganyika. Lakini pia alipinga rushwa, ufisaidi na kuwachukia viongozi wanaojilimbikizia mali,” alisema.
Alisema chama hicho kitahakikisha kinaendeleza na kusimamia harakati zote zilizoanzishwa na Mtikila ikiwemo kuidai Tanganyika. Msemaji wa familia ya mchungaji huyo, Peter Mayani, wakati akisoma wasifu wa Mtikila, alisema mwanaharakati huyo alibobea katika fani za sheria, uchumi na masoko na aliwahi kuajiriwa Mahakama Kuu na Shirika la Ndege la Afrika Mashariki, ambalo alilitumia kutoroshea wanaharakati wa chama cha Frelimo.
Alisema Mtikila aliokoka rasmi mwaka 1983 na kuanzisha Kanisa la Pentekoste la Full Salvation na mwaka 1990 alianza harakati za ukombozi, zilizoshinikiza kuanzishwa kwa vyama vingi mwaka 1992. Pia alianzisha chama cha DP, ambacho kilichelewa kupata usajili wake hadi mwaka 2000.
Mtikila baada ya kuagwa alisafirishwa kwenda kijijini kwao Milo, wilayani Ludewa mkoani Njombe ambako anatarajiwa kuzikwa leo. Marehemu ameacha mjane Georgia Mtikila. Askofu wa Kanisa la Ufunuo, Nabii Paul Bendera, aliwataka watanzania kutambua kuwa wote ni wageni duniani na kwamba kila mtu bila kujali ni nani duniani na ana cheo gani iko siku yake atakufa.
“Kwa sasa hali imekuwa ngumu na mbaya nawaomba ndugu zangu tuwe makini, lakini kubwa zaidi kila mtu amheshimu maisha ya mwenzake tuweke upendo na amani mbele na hii iwe ndio kipaumbele chetu. Naomba Serikali nayo iongeze juhudi za kuwalinda wananchi wake,” alisisitiza.
Mchungaji Daudi Mwaijojele, alitumia fursa hiyo kuwataka watanzania kuacha uchafu na kumrejea Mungu, ili kutengeneza maisha yao ya baadaye pindi watakapokufa. “Nawaomba acheni uchangudua, ufisadi na michepuko tena hiyo michepuko ndio inaleta magonjwa kama vile Ukimwi majumbwani na kusambaratisha familia,” alisema.
Mtikila alikufa kwa ajali ya gari aina ya Toyota Corolla, lenye namba za usajili T 189 AGM maeneo ya Msolwa wilayani Bagamoyo, mkoani Pwani. Alikuwa akitokea Njombe kwenda Dar es Salaam.

Marekan yaridhia Mabilioni

MCC Yaiondolea vikwazo Tanzania

Rais Jakaya M.Kikwete

TANZANIA imetimiza masharti yote ya kupatiwa raundi ya pili ya fedha za maendeleo kutoka Shirika la Maendeleo ya Milenia (MCC) la Marekani, hivyo itaanza kupata na kunufaika na mabilioni hayo ya fedha baada ya wajumbe wa Bodi ya MCC kupiga kura ya kuidhinisha kutolewa kwa fedha hizo chini ya Mpango wa MCC-2.
Habari hizo njema zilitangazwa juzi kwa Rais Jakaya Kikwete na Mtendaji Mkuu wa MCC, Dana J. Hyde katika mkutano uliofanyika katika Hoteli ya JW Marriot Essex House, New York, na kuhudhuriwa na watumishi waandamizi wa MCC akiwamo Kamran Khan, Makamu wa Rais wa Operesheni za MCC.

Rais Kikwete yuko New York kuhudhuria shughuli za mwaka huu za Baraza Kuu la Umoja wa Mataifa. “Hongera Mheshimiwa Rais kwa sababu nchi yako, Tanzania, imetimiza masharti yote ya kupata fedha nyingine chini ya mpango wa MCC - 2 ikiwa ni pamoja na uongozi wa MCC kuridhika kuwa Tanzania inachukua hatua za dhati kupambana na rushwa,” Hyde alimwambia Rais Kikwete na viongozi wengine wa Tanzania akiwamo Waziri wa Fedha wa Zanzibar, Yusuf Omar Mzee.
Hyde alimwambia Rais Kikwete kuwa Bodi ya MCC, katika mkutano wake wa Septemba 17, mwaka huu na chini ya Mwenyekiti wake, Waziri wa Mambo ya Nje wa Marekani, John Kerry, imeafiki kuhusu kipengele pekee kilichokuwa kimebakia katika masharti ya kupata fedha za MMC kuwa ni kweli Tanzania inakabiliana ipasavyo na rushwa na kuchukua hatua stahiki kukabiliana na tatizo hilo.
MCC ilitoa taarifa ya kuthibitisha kuwa Tanzania imetimiza masharti ya kuiwezesha kufaulu kupata raundi ya pili ya fedha za maendeleo na pia ilitoa taarifa ya kuthibitisha kuwa ni kweli Bodi ya MCC imeridhishwa na hatua zinazochukuliwa na Tanzania katika kukabiliana na rushwa.
Tofauti na fedha nyingi zinazotolewa na wafadhili wengi duniani, fedha za MCC hazitakiwi kurudishwa na nchi inayopewa fedha hizo na pia nchi husika hupewa uhuru wa kuchagua aina ya miradi ya maendeleo ambayo inaitaka igharimiwe na fedha hizo.
Miongoni mwa wajumbe wengine wa Bodi ya MCC ni Waziri wa Fedha wa Marekani ambaye ni Makamu Mwenyekiti wa Bodi, Mwakilishi wa Biashara wa Marekani duniani, Mwendeshaji Mkuu wa Shirika la Maendeleo ya Kimataifa la Marekani (USAID), nafasi ambayo kwa sasa anaikaimu Alfonsi Lenhardt, Mtendaji Mkuu wa MCC, Hyde na Rais wa Taasisi ya International Republican Institute (IRI), Balozi Mark Green.
Mabalozi Lenhardt na Green walikuwa mabalozi wa Marekani katika Tanzania wakati wa majadiliano, upitishaji na utekelezaji wa MCC–1. Hyde alisema sasa linalobakia ni kwa wajumbe wa Bodi kupelekewa muhtasari wa kuidhinisha mabilioni hayo kwa Tanzania ambayo chini ya mpango wa uwekezaji wa MCC–2 yatakwenda katika kuboresha huduma za umeme nchini Tanzania ikiwa ni pamoja na kusambaza umeme katika vijiji vingi zaidi.
Kiasi cha asilimia 46 ya Watanzania kwa sasa wanapata umeme kutoka asilimia 10 ya mwaka 2005 na sehemu kubwa ya asilimia hiyo imetokana na msaada wa MCC-1. Chini ya Mpango huo wa pili wa MCC, Tanzania itapatiwa Dola za Marekani milioni 472.8 (sawa na Sh bilioni 992.80).
Kwa kutilia maanani kiasi cha dola milioni 698 (sawa na Sh trilioni 1.46) ambazo zilitolewa chini ya MCC-1, Tanzania itakuwa imepata jumla ya dola za Marekani trilioni 2.45 za maendeleo kutoka Marekani katika kipindi cha miaka 10 tu iliyopita. Fedha za MCC-2 zitaanza kutolewa mwakani, 2016.
Kiasi kilichotolewa kwa Tanzania wakati wa MCC-1 ndicho kilikuwa kiasi kikubwa zaidi ambacho kimepata kutolewa na Marekani chini ya mpango huo, na kwa kupita MCC-2, Tanzania itakuwa ni nchi ambayo itakuwa imepata kiasi kikubwa cha fedha za maendeleo chini ya MCC duniani. Fedha zilizotolewa chini ya MCC -1 zilitumika kujenga Barabara za Tunduma-Sumbawanga, Tanga-Horohoro na Namtumbo-Songea- Mbinga.
Aidha, fedha hizo zilitumika kujenga upya mfumo wa huduma za maji kwa ajili ya miji ya Dar es Salaam na Morogoro na zilitumika kusambaza umeme katika vijiji vya mikoa 10 ya Tanzania Bara.
Fedha hizo vile vile zilitumika kutandaza njia ya pili ya kusafirisha umeme chini ya Bahari ya Hindi kati ya Tanzania Bara na Tanzania Visiwani na pia zilitumika kujenga barabara zote kuu za Kisiwa cha Pemba na baadhi ya barabara za Unguja kwa kiwango cha lami.

Mabasi Yaendayo Haraka kuanza kazi oktoba 2

 HATIMAYE mradi wa Mabasi Yaendayo Haraka (BRT) katika jiji la Dar es Salaam unatarajiwa kuanza Oktoba 2 mwaka huu kwa njia moja.
Aidha, wamiliki wa magari, pikipiki na baiskeli ambao watakutwa wakitumia barabara ya mabasi ya haraka, kama maegesho watapewa adhabu kali ya faini au kifungo gerezani.
Hayo yalibainishwa jana na Ofisa wa Fidia wa Wakala wa Usafiri Haraka wa Mabasi (DART), Deo Mutasingwa baada ya wafanyakazi wa Wakala wa Barabara nchini (TANROADS) kufanya ziara ya kujionea jinsi huduma hiyo itakavyotolewa.
Alisema huduma hiyo ambayo ni ya muda na kufanywa kwa kipindi cha miaka mwili, itakayofanywa na Kampuni ya UDA, itaanza Oktoba 2 mwaka huu kwanjia moja ya kutoka Kimara hadi Kivukoni yenye urefu wa kilomita 20.9.
Alisema kwa njia za barabara ya Msimbazi kutoka Faya hadi Kariakoo-Gerezani na sehemu ya barabara ya Kawawa kuanzia Magomeni hadi eneo la makutano ya Morocco jijini Dar es Salaam, itaanza kutumika baada ya miundombinu yake kukamilika.
Alisema katika mradi huo wa muda wa miaka miwili, mabasi 100 yatakayoendeshwa na madereva 200 yanatarajiwa kuwasili nchini wiki ijayo.
Aidha, Mutasingwa alisema wenye magari, pikipiki baiskeli ambao watakutwa wakitumia barabara hizo au kuegesha vyombo vyao watatozwa faini ya kati ya sh 250,000 hadi sh 300,000 au kifungo cha miaka miwili jela au adhabu zote kwa pamoja.
“ Tumekuwa na changamoto kwa watumiaji wengine wa barabara, jambo ambalo linaleta uharibifu na pia kuingilia safari. Tumeshazungumza na wenzetu wa halmashauri kushughulikia hili, hivyo kuanzia mwezi ujao atakayekutwa akitumia barabara hizo au kupaki chombo chake adhabu kali itakuwa juu yake,” alisema.
Alipoulizwa suala la nauli, alisema hilo liko kwenye mchakato kati ya DART, wamiliki wa mabasi na walaji lengo ni kuja na nauli ambayo haitamuumiza mwananchi lakini pia yule anayeendesha apate faida.
Alisema wakati utoaji wa huduma hiyo utakapokuwa kamili, watanzania takribani 300,000 watahudumiwa kwa siku.
Msimamizi wa Mifumo wa DART, Junn Mlingi alisema vituo vikuu vya mabasi vitakuwa na miundombinu ya kumwezesha mtumiaji yeyote kama ni mgeni, mlemavu wa viungo kuona au kusikia kuweza kupata huduma hiyokwani kutakuwa na matangazo ya sauti na maandishi.
Alisema mabasi hayo yatakuwa yakiendeshwa kwa kilomita 50 kwa saa kwa mwendo wa kasi na kilomita 24 kwa saa kwa mwendo wa wastani.“

Dk John Magufuli jinsi alivyoshambulia jukwaa Morogoro

 MGOMBEA Urais wa Jamhuri ya Muungano wa Tanzania kupitia Chama Cha Mapinduzi (CCM), Dk John Magufuli, amesema Serikali atakayoiongoza itajenga viwanda vikubwa, vya kati na vidogo ili kuongeza ajira na mapato ya Serikali, huku akiwaahidi wakazi wa Morogoro kufufua viwanda vyao.
Amesema hayo katika Uwanja wa Jamhuri mjini Morogoro katika moja ya mikutano mikubwa ya kampeni za uchaguzi, uliorushwa moja kwa moja na televisheni mbalimbali nchini.
Akizungumza katika mkutano huo, Dk Magufuli alisema mbali na kujenga viwanda, pia Serikali hiyo itatoa Sh milioni 50 kwa kila mtaa na kijiji kwa ajili ya wanawake na vijana kukuza mitaji yao ya biashara na kuanzisha biashara mpya, huku akiwahakikishia kutobughudhiwa.
Kuhusu elimu na afya, Dk Magufuli alisema kuanzia mwakani wanafunzi kutoka darasa la awali mpaka kidato cha nne, hawatalipa ada ya shule kwa kuwa Serikali atakayoiongoza itatoa huduma hiyo bure. Pia, alisema atashusha bei ya vifaa vya ujenzi ili wananchi wanaofanya kazi na biashara na kujipatia kipato halali, wajenge nyumba kwa gharama nafuu.
Kabla ya Dk Magufuli kuhutubia, Mwenyekiti wa CCM, Rais Jakaya Kikwete alipanda jukwaani na kusema akistaafu kwa kumkabidhi nchi Dk Magufuli, atalala usingizi.
Rais Kikwete alisema hakwenda mkoani huko kuhudhuria mikutano ya Dk Magufuli, bali alikwenda kuhudhuria kikao cha mkakati cha Umoja wa Wanawake Tanzania (UWT), kilichofanyika mkoani humo.
Kwa mujibu wa Rais Kikwete, kwa kuwa mgombea huyo alikuwa na ratiba ya kuhutubia mkutano katika uwanja huo, akaona ni vyema na yeye ahudhurie mkutano huo.
Alipopewa nafasi ya kumkaribisha mgombea huyo, Rais Kikwete alitumia fursa hiyo kuzungumza kidogo kilichofanyika Dodoma, wakati wa mchakato wa kumpata mgombea urais wa chama hicho.
Alisema walitumia muda mrefu kujadili kila mgombea kati ya wagombea 38 waliojitokeza kuwania nafasi hiyo, mpaka wakapata wagombea watano akiwemo Dk Magufuli, Balozi Amina Salum Ali, Dk Asha-Rose Migiro, Bernard Membe na January Makamba.
Baada ya hapo, alisema walikwenda katika kikao cha Halmashauri Kuu ya Taifa (NEC) ya CCM ambako wafuasi wa mmoja wa wagombea ambaye hakuingia katika tano bora, Edward Lowassa, walipewa nafasi kubwa ya kuzungumza baada ya mgombea huyo kutopenya tano bora.
Kwa mujibu wa Kikwete, walizungumza yote na sababu ya kupata wagombea hao na sifa zao dhidi ya za wenzao na wakaafikiana na kupiga kura, ambapo Lowassa ambaye baadaye alitoka na kuhamia Chadema, alipiga kura.
Baada ya hapo walipatikana watatu, Magufuli, Balozi Amina na Dk Migiro ambapo katika Mkutano Mkuu, alipita Magufuli ambaye alisema ana kila sifa ya kuwa rais na kuongeza kuwa wananchi walisema yeye Kikwete ni mpole, hivyo baada ya kupata rais mpole, Tanzania inahitaji rais mkali.
Rais Kikwete alisema kampeni zinavyokwenda, anaona baada ya Uchaguzi Mkuu vyama vya upinzani vilivyojiunga katika mwavuli wa Ukawa, vitageuka jina na kuwa Ukiwa

Flaviana Matata ateuliwa kuwa Balozi wa hiyari wa Utalii nchini Marekani

Mwanamitindo wa Kimataifa anaefanyia kazi zake za nchini Marekani Flaviana Matata amechagulia na

Wizara ya Maliasili   kuwa Balozi wa Hiyari ‘Good Will Ambassador’ kwa kipindi cha miaka mitatu kwa dhumuni la kutangaza  vivutio vya utalii vya Tanzania ndani na nje ya nchi.
Flaviana ambaye juzi alikuwa mmoja kati ya shuhuda wa kushuhudia wizara ya maliasili na utalii wakizindua rasmi tangazo litakalokuwa linatangaza vivutio vya Tanzania nje ya anchi alitawazwa leo hii na katibu mkuu Dr Adelhelm James Meru aliyemkabidhi kwa niaba ya Waziri , Mheshimiwa Lazaro Nyalandu huku Kaimu Mkurugenzi Madam Devota Mdachi akishuhudia

Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA)

Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa akimnadi Mgombea Ubunge wa Jimbo la Iringa Mjini, Mchungaji Peter Msigwa wakati wa Mkutano wa Kampeni,

 Mgombea Urais wa Jamhuri ya Muungani wa Tanzania katika mwamvuli wa UKAWA kupitia Chama cha Demokrasia na Maendeleo (CHADEMA), Mh. Edward Lowassa, akiwahutubia maelfu ya wananchi wa Iringa Mjini waliofurika kwenye Uwanja wa Sabasaba Gangilonga, Agosti 30, 2015. Katika Hotuba yake Mh. Lowassa alizungumzia namna atakavyotoa kipaumbele kwa wakulima ambapo amesema atafuta ushuru wa mazao kwa wakulima na kufuta kodi kwa vifaa vya michezo na burudani ili vijana waweze kunufaika na vipaji vyao